Хроно појадок: Интегрални тестенини во сос од авокадо

Хроно исхраната е се попопуларна и станува начин на живот како што е вегетаријанството и веганството. Овој начин на исхрана може да ви помогне многу доколку сакате да намалите килограми. Хроно исхраната не е диета и затоа не ја сместуваме во листата на диети. Овој начин на исхрана има за цел да ви го промени односот спрема храната од една страна, но од друга страна помага многу ефикасно и во намалувањето на вишокот килограми. Повеќе за хроно исхраната прочитајте тука.

Појадокот во хроно исхраната е најважен и е задолжителен. Потребно е да биде помеѓу 8 и 10 часот наутро. Ова е единствен оброк во кој е дозволено да јадете леб, но не оној од пченично бело брашно на кој сте веќе навикнати.

Тестенините се исто така дозволени само за појадок, но изберете интегрални. Тестенини од бело пченично брашно не се дозволени!

Во име на хроно исхраната и хроно појадокот за денес имаме одличен рецепт: Интегрални тестенини во сос од авокадо.

Потребни состојки (за 2 лица):

  • 200 g интегрални тестенини
  • 1 зрело авокадо
  • 1 главица кромид
  • 5-6 маслинки
  • сок од лимон
  • 1 лажичка сенф
  • сол, црн бибер и ситно сечкан магдонос
  • 1 лажица маслиново масло

Начин на подготовка:

Тестенините првин сварете ги. Потоа во тефлонско тавче ситно насечкајте го и пропржете го кромидот. Во друг сад или во блендер изгмечете го авокадото, лимонот, солта и зачините. Потоа сосот од авокадо додадете го во тавчето со кромидот и убаво измешајте. На крај извадете им ги семките на маслинките и насечкајте ги, па додадете ги на сосот. Измешајте ги сварените тестените со сосот и уживајте!

Добар апетит!

Драгана Младеновска

Магистер по фармација, Аеробик и Пилатес инструктор. Зависник од здрава исхрана и експериментирање во кујната.

Leave a Reply

Your email address will not be published. Required fields are marked *