Појадок за секој ден: Овесни снегулки со семиња и јаболко

Споделете со пријателите

Започнете го денот здраво и така ќе бидете мотивирани да се храните здраво преку целиот ден. За појадок внесувајте храна која ќе ви даде енергија, храна богата со хранливи нутритиенти кои го будат и дигестивниот тракт, но и умот.

Овесна каша е секогаш добар избор, а еве и зошто:

го намалува нивото на холестерол
го регулираат нивото на шеќер во крвта
го намалува ризикот од појава на дијабетес тип 2
го помага слабеењето
го зголемува имунитетот
го намалува ризикот од појава на канцер.

Ако ова беше доволно за да ве убедиме, еве го предлогот за денес:

Овесни снегулки со семиња и јаболко

Потребни состојки:

4 супени лажици овесни снегулки
200 ml млака вода или некое растително млеко (рецепт како да си подготвите сами)
2 супени лажици мелена мешавина од лен, сусам, семки од тиква и семки од сончоглед
мала лажичка мед
1 рендано јаболко
малку цимет (по желба).

Начин на подготовка:

Со млаката вода или со растителното млеко потопете ги овесните снегулки, потоа додадете ја мешавината од семиња, медот, ренданото јаболко и на крај циметот. Измешајте убаво и оставете 15 минути да постои. Тоа е доволно време овесните снегулки да ја впијат течноста.

Уживајте во утрото!