Високиот крвен притисок е една од главните причини за нарушување на нормалното функционирање на кардиоваскуларниот систем. Високиот крвен пристисок е така наречен “тивок убиец” бидејќи сосем тивко, полека и прогресивно ги оштетува крвните садови што доведува до проблеми со главните витални органи во нашето тело и тоа: срцето, мозокот и бубрезите.
Високиот крвен притисок не е состојба која настанува преку ноќ. Причината лежи пред се во начинот на живот, но и во генетските предизпозиции. Наследните особини играат голема улога во настанување на оваа состојба. Покрај наследните особини за појава на висок крвен притисок значајно место завзема и начинот на живот, исхраната и нашите секојдневни навики. Пушењето, алкохолот, брзата храна богата со заситени масти, солената храна и неактивниот начин на живот се само дел од причините кои предизвикуваат покачени вредности на крвниот притисок.
Проблемите со високиот крвен притисок најчесто започнуваат после 4о-тата година, иако се резултат на повеќегодишниот однос кон нашето здравје. Младоста навистина е помоќна и може да ги анулира негативните навики кои му ги наметнуваме на нашето тело, но телото памти и сето тоа покасно се одразува. Сосотојбата на покачен крвен притисок започнува незабележливо и постапно. Првите симптоми се вртоглавица, главоболка во задниот дел на главата и умор. Во понатамошната фаза болеста е проследена со артериосклероза, коронарна склероза, проширување на левата срцева комора, аритмија и тахикардија, и во крајни стадиуми со ангина пекторис, срцев или мозочен удар.
Високиот крвен притисок не е болест туку состојба на која треба да се гледа со големо внимание затоа што континуирано покачени нивоа на крвниот пртисок како што спомнавме погоре предизвикуваат оштетување на виталните органи.
5 начини како да го намалите крвниот притисок :
Исфрлете ја солта
Научно е докажано дека потрошувачката на сол е во директна корелација со хипертензијата. По препорака на Светската Здравствена Организација не треба да се внесува повеќе од 6 грама сол дневно, а кај постарите лица не повеќе од 2 грама дневно. Притоа треба да се има на ум дека некои намирници во себе содржат многу повеќе сол одколку што сами сме свесни. Избегнувајте сувомесати производи, месни и рибини конзерви, сушени пикантни сирења, конзервиран зеленчук, маслинки и слично.
Внесувајте повеќе калиум
Познато е дека калиумот од храната делува на снижување на притисокот, а современото производство на храна е се посиромашно со овој важен минерал. Калиумот го има највеќе во компирот, бананите, портокалите, кајсиите, праските, млекото, сливите, целерот, доматите….Затоа за одржување нормални вредности на крвниот притисок се препорачува диета со зголемен внес на свежо овошје и зеленчук.
Јадете помалку “лоши” масти
Постои корелација со зголеменото ниво на холестерол и триглицериди во крвта и зголемениот крвен притисок. Луѓето кои имаат зголемени нивоа на холестерол и триглицериди во крвта имаат многу поголем ризик за појава на висок крвен притисок споредено со оние кои имаат нормални вредности. Затоа правилно бирајте ги намирниците. Избегнувајте масти од животинско потекло, односно бирајте продукти кои во себе содржат “здрави масти” како што е рибата, маслиновото масло, кокосовото масло, лененото семе, чија семето и слично.
Внимавајте со шеќерите
Избегнувајте ги рафинираните шеќери кои ги има во чоколадите и слатките. Внесувајте повеќе сложени јаглехидрати кои ги има во компирот, оризот, гравот, грашокот, овесните снегулки. Вишокот од внесени шеќери во организмот многу лесно се пртевара во масти кои можат да влијаат на појава на артериосклероза која најчесто е проследена со зголемен крвен притисок.
Внесувајте повеќе продукти кои содржат селен
Селенот е многу моќен антиоксиданс, но се смета дека влијае и на снижување на крвниот притисок. Наместо да користите вештачки додатоци во исхраната кои содржат селен јадете повеќе пченкарни клици, туна, лук, домати, прокељ и бразилски ореви. Доволни се само 2-3 бразилски ореви дневно за да ги задоволите дневните потреби за селен.
Аеробик и пилатес инструктор, Сопственик на FitLife Fitness Studio, Магистeр по фармација и диететика.
English