Хроно ручек: Мусака од тиквичка и мелено месо

Доколку сте на хроно исхрана за ручек се препорачува да јадете некој тип на месо заедно со зеленчук. Но, бидете внимателни со изборот на зеленчук затоа што скробните зеленчуци се забранети. Месо со компири не ви е добра комбинација.

Во име на хроно исхраната за денес имаме лесна и здрава хроно рецепта за ручек – Мусака од тиквичка и немасно, мелено јунешко месо.

Потребни состојки (за 2 порции):

  • 150 g мелено немасно јунешко месо
  • 100 g свежи шампињони
  • 2-3 млади кромитчиња
  • неколку листови свеж спанаќ
  • 2 тиквички
  • 1 лажица путер
  • малку хималајска сол, црн бибер и куркума

Начин на подготовка:

Првин подгответе си ги зеленчуците и месото. Кромитчињата, спанаќот, шампињоните и тиквичката насечкајте ги.

Путерот ставете го да се растопи на тефлонско тавче што не лепи и потоа додадете го кромидот и печурките, промешајте убаво и почекајте печурките да пуштат вода. Кога водата ќе испари додадете го месото и кратко пропржете. Последен додадете го спанаќот и почекајте само малку да омекне. На крај зачинете со малку хималајска сол, црн бибер и куркума.

Во садот во кој планирате да ја редите мусаката ставете првин еден ред тиквички, потоа ставете еден слој од месото, па повторно ред тиквички и уште еден слој од месото. На крај завршете со ред од тиквички.

Одозгора малку посолете со хималајска сол и наросете црн бибер и куркума.

Ставете ја мусаката да се пече на температура од 220°С околу 40-45 минути.

Комбинирајте со салата од свеж зелен зеленчук.

На здравје!!!

Можеби ќе ве интересира:

20 најважни правила во хроно исхраната.

Што да јадете за појадок, ручек и вечера ако сте на хроно исхрана.

Драгана Младеновска

Магистер по фармација, Аеробик и Пилатес инструктор. Зависник од здрава исхрана и експериментирање во кујната.

Leave a Reply

Your email address will not be published. Required fields are marked *