Хроно ручек: Ќофтиња од пилешко со блитва

Вкусни хроно топчиња од пилешко месо. Одлични се во комбинација со свежа сезонска салата по ваш избор.

Потребни состојки:

  • 250 g пилешко месо
  • 1 белка
  • 3-4 листа блитва
  • 1 кромид
  • 1-2 чешниња лук
  • малку сол и црн бибер
  • 1 лажица маслиново масло.

Начин на подготовка:

Ставете ги пилешкото месо и кромидот да се сварат убаво. Потоа исфрлете ја водата и ставете го месото и кромидот во блендер или сецко. Таму додадете ја блитвата, лукот, белката и зачините. Убаво измешајте ја и соединете ја смесата. На крај формирајте топчиња. Наредете ги топчињата во плех обложен со хартија за печење и попрскајте ги со маслиновото масло. Печете 30 минути на 200°С. Комбинирајте ги овие хроно ќофтиња со свежа салата.

Добар апетит!

Повеќе идеи за хроно рецепти, пронајдете тука.

Драгана Младеновска

Магистер по фармација, Аеробик и Пилатес инструктор. Зависник од здрава исхрана и експериментирање во кујната.

Leave a Reply

Your email address will not be published. Required fields are marked *