Медитеранската кујна е една од најздравите кујни во светот затоа што комбинира здрави намирници како зеленчук, овошје, зрнести плодови, маслиново масло и риба. На медитерански начин, брзо и едноставно можете да направите здрава салата за помалку од 5 минути. Еве ви идеја:
Потребни состојки:
- 100 g фета сирење
- 50 g бадеми
- неколку листови целер
- неколку листови зелена салата по избор (марула, рукола, спанаќ и сл.)
- 1 лажичка маслиново масло
- 1 лажица сок од лимон или јаболков оцет
- малку свеж магдонос
- сол по желба
Начин на подготовка:
Листовите целер, зелена салата и магдонос насечкајте ги, сирењето насечкајте го на коцки, а бадемите нека останат цели. На крај измешајте ги сите состојки, прелијте со маслиновото масло, сокот од лимон и посолете.
Уживајте !
Аеробик и пилатес инструктор, Сопственик на FitLife Fitness Studio, Магистeр по фармација и диететика.
English