Нема поубаво чувство од започнување на денот со убав и здрав оброк. Тоа е на некој начин стимул понатаму во денот да се однесуваме здраво кон нашете тело.
Сите сме свесни дека внесот на поголема количина на свежо овошје и зеленчук е важно за нашето здравје. Подготвовката на смути пред да одите на работа или пред да започнете со вашите секојдневни обврски ќе ви одземе само 5 минути, а ќе си обезбедите високонутритивен оброк полн со витамини, антиоксиданси и минерали. Во прилог ви претставуваме 3 идеи за подготовка на смути кое ќе ви го направи денот поубав.
Зелено смути за детоксикација
- 1/2 банана
- 1 кива
- сок од половина лимон
- 1/2 крставица
- малку спанаќ
- околу 200 ml вода
- една мала лажица мелено ленено семе
Витаминско смути
- 1 цвекло (со средна големина)
- 1 морков
- 1 јаболко
- сок од еден грејпфрут
- малку свеж ѓумбир (околу 1 cm од коренчето)
- 1 мала лажичка мед (по желба)
- 1 мала лажичка чија семе
- околу 200 ml вода
Хранливо смути за енергија
- 1/2 банана
- замрзнати малини
- замрзната аронија (10-тина зрна)
- јогурт (околу 200 ml)
- мала лажичка мед (по желба)
- една мала лажичка гоџи бобинки
Секој ден може да го започнете свежи и полни со енергија, потребно е само да најдете 5 минути и да ја наполните чашата со најдоброто од природата.
Пријатен појадок 🙂
Аеробик и пилатес инструктор, Сопственик на FitLife Fitness Studio, Магистeр по фармација и диететика.