Дали знаете како настанува медот, кој е неговиот хемиски состав и зошто е лековит?

Споделете со пријателите

Како настанува медот?

Медот е прехрамбен производ кој домашните пчели го произведуваат од цветниот нектар или од другите излачувачки материи на растенијата. Тие го собираат, трансформираат, го мешаат со специфични материи кои самите ги произведуваат, го складираат и го оставаат да созрее во саќето на пчелината кошница.

Ако се приближиме до таа дрвена палата која лете нагостува 70 000 пчели, а зиме 15 000 збиени околу матицата, па во мир и тишина без нагли движења го набљудуваме движењето на илјадници пчели како ги пренесуваат поленот, прополисот, водата, но пред се некатарот, ќе сфатиме колкав труд е вложен во само еден килограм мед.

За секој килограм мед потребно е 70 000 пчели да посетат околу 7 000 000 цветови од коишто ќе го соберат слаткиот нектар намирисан со ензими сместени на дното од цветната чашка. Нектарот содржи сопствени ензими, но тоа сеуште не е мед. Кога ќе го вшмука, пчелата го меша со излачувањата од устата и од жлездите во грлото, а при враќањето во кошницата го предава од уста на уста на своите сестри за и тие да го збогатат со своите ензими. Дури откако смесата ќе биде готова, таа внимателно се става во саќето во одредено количество. За да се забрза постапката на сушење на медот, пчелите почнуваат да брмчат со крилјата и создаваат воздушна струја на самиот влез во кошницата. Така доведуваат сув воздух во внатрешноста на кошницата и тоа се додека медот не ја добие потребната влажност од околу 17%. Тогаш пчелите го затвараат саќето со восочен капак, но пред тоа во медот вшприцуваат еден дезинфициенс за да го зачуваат од било какви промени. Всушност, дезинфициенсот е мравја киселина сместена во посебни жлезди на екстремитетите. Пчеларот го вади саќето и го става во посебна центрифуга со помош на која го извелкува течниот мед кој потоа го остава да дозрее. По неколку месеци настанува природен производ со зачувани ензими, арома и мирис.

Хемиски состав на медот

Хемискиот состав на различни сорти мед е различен и зависи од видот на растенијата од кои е собран нектарот, како и од климатските услови.

Зрелиот мед е густ и содржи околу 60 различни материи. Во неговиот состав влегуваат: железото, сулфурот, бакарот, хлорот, калциумот, калиумот, натриумот, јодот, фосфорот, алуминиумот, магнезиумот, а во некои сорти се среќава и радиумот. Медот содржи и 0.5% минерални соли.

Медот не е само вкусен производ кој може да се употребува како десерт, туку претставува комплекс од хранливи елементи, витамини и други материи. Во неговиот состав влегуваат:

76% шеќер ( глукоза околу 30 %, фрукотза околу 40-43% и сахароза 1-2%)
5.5% други јаглехидрати
17.2% вода
1.2% органски киселини ( јаболкова, винска, лимонска, млечна, мравја и др.)
0.8% азотни материи
минерални материи
витамини
ароматични и обоени материи (каротин, хлорофил и др.)
0.18% восок и пепел.

Лековитите својства на медот

Превенција од канцер и кардиоваскуларни болести – медот содржи флавоноиди и антиоксиданти кои можат да помогнат во намалување на ризикот од развој на некои типови на канцер како и срцеви заболувања.

Медот го намалува ризикот од развој на улцери и други грастроинтестинални нарушувања.

Има антибактериско, антивирусно и антифунгално дејство.

Помага во намалување на кашлица и воспалено грло.

Помага во регулација на нивото на шеќер во крвта – иако медот содржи прости шеќери, сепак комбинацијата од глукоза и фруктоза не дозволува брзо покачување на нивото на шеќер во крвта.

Медот го зајакнува имуниот систем – комбинцијата од витамини, минерали и значајни елементи во трагови е одлична за потикнување на работата на имуниот систем.

Медот е одличен за кожата, ја храни и ја прави еластична и мека – подгответе си маска за лице со мед и чија семе која ќе ја направи вашата кожа сјајна, еластична и свежа.