Зошто баш крем супа од броколи?
Затоа што се броколите се супер здрава намирница. 100 g броколи содржат само 34 калории, 7 g јагледхирати (од кои 2.6 g се нерастворливи влакна), 2.8 g протеини и само 0.4 g масти. Брокулите се одличен извор на витамин Ц, витамин А, витамин Б6, витамин К и витамин Б9 (фолна киселина). Исто така содржат и многу калиум, магнезиум и железо.
Истражувањата покажуваат дека броколите кои се готвени на пареа или се варени, содржат најмногу хранливи материи. Овој начин на готвење е најздрав и затоа оваа крем супа од броколи е одличен начин на подготовка на броколите, притоа зачувувајќи ги сите хранливи својства.
Потребни состојки за 4 порции:
- 400 g свежи броколи
- 2 моркови со средна големина
- 1 компир со средна големина
- 1 коцка за подготовка на зеленчукова супа
- 700 ml вода
- 2-3 чешниња лук
- 1 супена лажица маслиново масло
- сол, црн бибер и магданос (по желба)
- 100 ml јогурт.
Начин на подготовка:
- Броколите, компирот и морковот насечкајте ги на ситни парченца.
- Во тенџере на оган истурете ја водата и додадете ја коцката супа, па потоа додадете го зеленчукот, оставете ги да се варат 10-тина минути.
- Кога зеленчукот ќе омекне со рачен блендер избленирајте ја смесата. Потребно е да добиете густа и глатка кремаста структура.
- Потоа во тавче на оган ставете го да се загрее маслиновото масло, па додадете го лукчето и пропржете 1 минута, па загреаното масло истурете го во супата и убаво промешајте.
- На крај додадете сол, бибер и магданос по желба.
- Тргнете ја супата од оган и почекајте малку да се излади, па додадете го јогуртот и убаво промешајте.
- Сервирајте ја супата топла.
Добар апетит!
Аеробик и пилатес инструктор, Сопственик на FitLife Fitness Studio, Магистeр по фармација и диететика.