Појадокот е несомнено еден од најважните оброци во денот. Повеќето нутриционисти препорачуваат првиот утрински оброк да биде богат со јаглехидрати, ручекот да биде комбинација од јаглехидрати и протеини, додека вечерата да биде резервирана за протеински намирници.
Јаглехидратите многу лесно се апсорбираат, а доколку се сложени подолго време ја ослободуваат енергијата и затоа се идеални за појадок.
Овесните снегулки се идеална јаглехидратна намирница за појадок затоа што се полни со нерастворливи растителни влакна и сложени јаглехидрати, па подолго време ве одржуваат сити. Исто така овесните снегулки се богати и со протеини. (Прочитајте повеќе).
Освен овесните снегулки за појадок идеални се и семињата и јаткастите плодови затоа што содржат висококвалитетни масти и се богати со омега-3 масни киселини кои го чуваат кардиоваскуларното здравје.
Како да подготвите високо хранлив појадок за енергичен ден?
Потребни состојки:
- 2 супени лажици овесни снегулки (кои претходната вечер сте ги оставиле да накиснат во вода)
- 1 мала лажичка мелено ленено семе
- 1 мала лажичка сусам
- 7-8 бадеми или ореви
- малку суво овошје по желба (брусница, суво грозје, суви сливи или пак суви гоџи бобинки) или свежо овошје (банана, јаболко, мандарина и сл.)
- 1 мала лажичка мед
- малку цимет (по желба)
- 1 мала лажичка кокосово масло
- 50 ml вода или бадемово/ оризово/ соино/ кокосово млеко (додадете течност само онолку колку што е потребно состојките убаво да се измешаат)
Начин на подготовка:
Сите состојки убаво измешајте ги со лажица и уживајте во утрото!
Кои се предностите од овој високо хранлив појадок?
Јаткастите плодови ја подобруваат работата на кардиоваскуларниот систем, но го зголемуваат и нивото на серотонин во телото, што помага полесно да се справите со депресијата и нервозата. Оревите ги задоволуваат дневните потреби за минерали затоа што се богати со магнезиум, цинк, сулфур, фосфор, јод, незаситени масни киселини и витамини. Бадемите покрај незаситените масни киселини се најбогати со калциум споредено со другите јаткасти плодови.
Сувото овошје и овесните снегулки се богати со сложени јаглехидрати. Сувото грозје и сувата брусница содржат многу антиоксиданси. Овесот покрај сложените јаглехидрати содржи и високо вредни материи кои се од исклучителна важност за нашиот организмот. Тој содржи јод, хлор, фосфор, магнезиум, калиум, манган, цинк, бакар, ниацин, биотин и бројни витамини.
Кокосовото масло е богато со незаситени масти и многу омега-3 масни киселини. Кокосовото масло ја зголемува одбрамбената способност на организмот, го зголемува нивото на HDL холестеролот, има неверојатна моќ врз функционирањето на тироидната жлезда, а исто така помага во подобро функционирање на целокупниот кардиоваскуларен систем. Кокосовото масло многу лесно се апсорбира и содржи помалку калории од другите билни масла. Посебно е ценето поради тоа што дава чувство на ситост и го забрзува метаболизмот.
Медот е високо квалитетна намирница богата со повеќе од 60 различни хранливи материи кои го чуваат здравјето. Иако медот содржи прости шеќери, сепак комбинацијата од глукоза и фруктоза не дозволува брзо покачување на нивото на шеќер во крвта. Медот помага во обновување на залихите на гликоген во црниот дроб и мускулите и е идеален за спортисти. (Прочитајте повеќе за составот на медот).
Можеби ќе ве интересира:
Аеробик и пилатес инструктор, Сопственик на FitLife Fitness Studio, Магистeр по фармација и диететика.
English