Сите јаткасти плодови имаат различна здравствена придобивка за организмот. Скоро сите се богати со здрави масти и разни минерали и витамини кои имаат повеќекратни позитивни влијанија врз здравјето. Внимавајте на количината која ја внесувате затоа што овие намирници се навистина здрави, но фактот што содржат поголемо количество на масти во себе ги прави богати со многу калории. Изберете ужинка од јаткасти плодови во количина од еден грст и секогаш одлучете се за несолена и непечена варијанта.
Во табелата подолу се наоѓаат нутритивни информации и калориска вредност на најчесто користените семиња и јаткасти плодови во исхраната. Вредностите се однеусваат на 100 g производ. Секогаш имајте на ум дека различните макронутритиенти ослободуваат различна количина на енергија. Енергетски гледано 1 g протеини ослободува 4 калории, 1 g јаглехидрати исто така ослободува 4 калории, додека 1 g масти ослободува 9 калории.
Намирници (100 g) | Калории (kcal) | Јаглехидрати | Протеини | Масти |
Бадеми | 577 | 19,7 g | 21,3 g | 50,6 g |
Бразилски ореви | 655 | 12,3 g | 14,3 g | 66,4 g |
Семки од тиква | 611 | 12 g | 24,9 g | 57 g |
Чија семе | 486 | 42,1 g | 17,2 g | 31,3 g |
Индиски ореви | 552 | 30,2 g | 18,2 g | 43,9 g |
Костени | 196 | 44,2 g | 1,6 g | 1,3 g |
Кикиритки | 566 | 16,1 g | 25,8 g | 49,2 g |
Кокос, свеж | 354 | 15,2 g | 3,3 g | 33,5 g |
Ленено семе | 534 | 29,2 g | 18,4 g | 42,6 g |
Лешници | 627 | 16,7 g | 15 g | 60,8 g |
Семки од кајсија | 530 | 5,4 g | 23,1 g | 46,9 g |
Ореви | 654 | 14 g | 15 g | 65,2 g |
Ф’стаци | 556 | 28 g | 20,6 g | 44,4 g |
Сусам | 573 | 23,2 g | 18,4 g | 50,1 g |
Семки од сончоглед | 584 | 20 g | 21,2 g | 51 g |
Аеробик и пилатес инструктор, Сопственик на FitLife Fitness Studio, Магистeр по фармација и диететика.