Брзиот начин на живот е најчестиот изговор за лошата дисциплина кон храната и кон физичката неактивност. Но, доколку сте свесни за сопственото здравје и сакате да внесете здрави промени во секојдневното живеење сигурни сме дека за тоа можете да најдете време.
Планирање на оброците и организација на следниот ден вечерта пред да одите на спиење е корисна алатка кога се во прашање здравите навики.
Бидејќи повеќето од нас појадокот го конзумираат на работното место каде вообичаено имате ограничени ресурси, најдобра опција е подготвување на истиот дома. За таа цел ви предлагаме 5 брзи и лесни рецепти за подготвка на здрав сендвич кој би можеле да го конзумирате на работното место.
1. Сендвич со пилешко и сос од авокадо
Потребни состојки:
- 2 парчиња интегрално лепче
- 1/2 авокадо
- 1 тенко парче пилешки стек
- лист марула
- 2-3 тркалца домат
Начин на подготовка:
Авокадото одделете го од лушпата и со вилушка убаво изгмечете го, додајте му малку сок од лимон, бибер и сол и убаво измешајте дури не добиете убав хомоген сос. На лепчето ставете ги тркалцата домат, па потоа ставете од сосот, врз него ставете го парчето стек, а врз стекот листот марула. Затворете го сендвичот со второто парче интегрално лепче. Завиткајте во фолија и чувајте го во фрижидер до следниот ден.
2. Сендвич со сардина и краставица
Потребни состојки:
- 2 парчиња интергално лепче
- 1/2 конзерва сардина
- 1/2 краставица
- 2-3 тркалца домат
- лист марула
Начин на подготовка:
Сардината изгмечете ја со вилушка и додадете малку сок од лимон и зачини по желба. Потоа на едното парче интегрално лепче ставете ги тркалцата домат, а врз нив листот марула, врз марулата ставете ја сардината и на крај тркалцата краставица. Затворете го сендвичот со другото парче интегрално лепче, завиткајте во фолија и чувајте го до следниот ден во фрижидер.
3. Сендвич со банана и путер од кикиритки
Потребни состојки:
- 2 парчиња интегрално лепче
- 1-2 супени лажици путер од кикиритки
- 1 мала лажичка мед
- 1 мала лажичка чија семе
Начин на подготовка:
Намачкајте го путерот од кикиритки на интегралното лепче, врз него наредете ги тркалцата банана, потоа ставете малку мед и посолете со чија семето. На крај затворете го сендвичот со другото парче интегрално лепче, завиткајте во фолија и чувајте во фрижидер до следното утро.
4. Сендвич со варено јајце и рукола
Потребни состојки:
- 2 парчиња интергално лепче
- 1 варено јајце
- неколку листови рукола
- 1 лажица немасна павлака
Начин на подготовка:
На едното парче леб ставте ја павлаката и убаво намачкајте го, потоа ставете ја руколата и на крај тркалцата варено јајце. Затворете го седнвичот и завиткајте го во фолија. Чувајте го во фрижидер до следното утро.
5. Сендвич со лосос
Рецептот за овој сендивч пронајдете го тука.
Можеби ќе ве интересира: Здрави оброци на работното место.
Можеби ќе ве интересира:
Аеробик и пилатес инструктор, Сопственик на FitLife Fitness Studio, Магистeр по фармација и диететика.
English