9 здрави намирници за подобра дигестија

Дигестивниот тракт игра најважна улога во нашето витално здравје, тој е одговорен за апсорпција на хранливите нутритиенти од храната и за елиминирање на штетните и непотребни продукти што ги внесуваме.

Поради различни причини, како што се нередовна и нездрава исхрана, консумирање на големо количество брза храна, одредени вродени или стекнати заболувања на органите за варење и сл., може да дојде до најразлични дигестивни проблеми.

Дигестивните проблеми најчесто се манифестираат како: гасови, подуеност, потешкотии со варењето на храната, појава на дијареја или пак констипација, најразлична абдоминална болка, појава на киселини и сл.

Одредени намирнци имаат навистина голема моќ кога е прашање подобрување на дигестијата и олеснување на одредени дигестивни проблеми.

  1. Јогурт

Јогуртот се добива од млекото под дејство на млечни бактерии кои предизвикуваат ферментација. Тој содржи бактерии познати како пробиотици кои се најголеми “пријатели” на дигестивниот тракт. Овие “добри бактерии” помагаат за подобрување на дигестијата и за одржување на здравјето на цревата.

Пробиотиците помагаат за намалување на гасовите, помагаат и кај дијареја и кај констипација. Сепак бидете внимателни со изборот на јогуртот, затоа што не сите јогурти содржат пробиотици. Задолжително погледнете го пакување и убаво проверете дали јогуртот содржи активи и живи култури на бактерии.

Наш предлог за здрав појадок со јогурт: Летно освежување: Салата од грозје со јаболка, цимет и јогурт

  1. Јаболка

Јаболката содржат многу пектини (растворливи влакна). Пектините од јаболкото ја заобиколуваат дигестијата во тенкото црево, и во дебелото црево предизвикуваат апсорпција на вода што го зголемува волуменот на столицата и ја поттикнува перисталтиката, што помага кај проблеми со дијареја и констипација.

Наш предлог: Здрав колач од јаболка и просо

  1. Чиа семе

Чиа семето е одличен извор на влакна кои предизвикуваат апсорпција на вода и зголемување на волуменот на столицата. Тие се така наречени пребиотици затоа што дополнително поттикнуваат раст на “пријателски” бактерии во гастроинтестиналниот такт со што помагаат за подобрување на целокупната дигестија.

Наш предлог за вкусен оброк со чиа семе: Чоколаден чиа пудинг

  1. Интегрални житарици

Интегралните житарици содржат голем процент на нерастворливи влакна и и помагаат на дигестијата на сличен начин како што тоа го прави чиа семето.

Влакната предизвикуваат зголемување на волуменот на столицата преку апсорпција на вода, а сето тоа ја поттикнува перисталтиката на цревата.

Дополнително имаат својство на пребиотици поттикнувајќи раст на “пријателски” бактерии во гастроинтестиналниот такт.

Наш предлог за вкусен и здрав десерт: Неодолив интегрален колач со праски

  1. Цвекло

Цвеклото е исто така одличен извор на нерастворливи влакна.

100 g цвекло содржат околу 3.5 g на влакна кои се одлични за подобрување на дигестијата. Цвеклото можете да го јадете свежо во салата, да го додадете во вашето омилено смути или пак да си подготвите свежо цеден сок.

Наш предлог: Свежо цеден сок – Црвен микс за подобра крвна слика

  1. Кефир

Кефирот е напиток кој се добива со ферментација на млеко и гранули кефир, кои се составени од живи култури и пробиотски габички (квасец). Мешавината на ферментирано млеко и споменатите габички дава напиток кој содржи хранливи нутриенти, протеини и липиди. Кефирот го поттикнува варењето на храната и спречува констипација.

Освен пробиотици кои се одлични за дигестијата (содржи минимум 40 разни пробиотици), кефирот содржи и витамини, особено од групата Б, минерали (калциум ,калиум, магнезиум, фосфор) и протеини.

Можеби ќе ве интересира: Како да си подготвите сами домашен кефир

  1. Ѓумбир

Ѓумбирот е одличен за подобрување на дигестијата и за намалување на симптомите на гадење и повраќање. Ѓумбирот се препорачува дури и кај трудници за да ги намалат утринските мачнини кои знаат да бидат чести, особено во првите три месеци од бременоста.

Ѓумбирот помага за полесно и побрзо движење на храната од желудникот кон цревата, што го намалува ризикот од појава на рефлукс на желудочна киселина кој знае да биде многу чест и многу непријатен проблем кај многу луѓе.

Можеби ќе ве интересира: Енергетски детокс напиток со ѓумбир

  1. Зелен лиснат зеленчук

Зелениот лиснат зеленчук е одличен избор на нерастворливи влакна, но покрај влакната содржи и големо количество на железо, витамин Ц, фолна киселина, магнезиум. Консумирањето на свежа салата со зелени зеленчуци може многу да помогне доколку имате проблеми со констипација и потешкотии со варењето на храната.

Можеби ќе ве интересира: Зелените сокови го алкализираат организмот и го забрзуваат празнењето на цревата

  1. Лосос

Лососот е одличен извор на омега-3 масни киселини кои можат да помогнат за намалување на инфламацијата во телото.

Луѓето кои имаат инфламаторна цревна болест, интолеранција на одредени типови храна можат да ја намалат инфламацијата доколку во исхраната вклучат повеќе омега-3 масни киселини.

Можеби ќе ве интересира: Лосос во бел кремаст сос од бело вино и путер

Заклучок:

Дигестивните проблеми се многу чести помеѓу општата популација, сепак храната е таа која ги предизвикува, но и која може да помогне во намалување на тешкотиите и проблемите со варењето.

Бидете внимателни со изборот и комбинација на намирници. Најдобро е да си го слушате сопственото тело, затоа што не сите сме исто толерантни на одредени намриници. Можеби нешто што е навистина здраво, нашето тело не го поднесува.

Гореспоменатите намирнцни се одлични за намалување на одредени дигестивни проблеми и би требало да ви помогнат доколку ги вклучите во секојдневната исхрана.

Драгана Младеновска

Магистер по фармација, Аеробик и Пилатес инструктор. Зависник од здрава исхрана и експериментирање во кујната.

Leave a Reply

Your email address will not be published. Required fields are marked *