Сигурно се сеќавате на еден од моите најчитани постови – 3-те најчести грешки со појадокот.
Листата на балансирани појадоци сега можете слободно да си ја дополните и со овој чиа пудинг со јогурт кој содржи одличен баланс на сите макронутритиени кои се неопходни за енергичен старт на денот.
Пудингот се подготвува брзо и едноставно. Можете да си го направите дури и во тегличка и да си го земете со вас на работа.
Потребни состојки:
- 3-4 лажици чиа семе
- 200 ml Баланс+ јогурт
- ½ банана
- боровинки
- 1 лажица мелени бадеми или околу 10-тина цели.
Начин на подготовка:
Чиа семето се потопува со половина од количината на јогуртот или со околу 100 ml, најмалку 2-3 часа, најдобро е да ги оставите преку ноќ.
Следното утро во блендер ставете ги другите 100 ml Баланс+ јогурт, додадете ја бананата, боровинките и бадемите и блендирајте кратко. Додаде го овошниот дел од пудингот во садот со чиа семето и јогуртот кои веќе добиле убава структура.
Декорирјате по желба. Јас ставив свежи јагоди и уште малку мелени бадеми.
Овој оброк е одлично балансиран и содржи:
- 369 калории
- 17.5 g протеини
- 42.7 g јаглехидрати
- 15.3 g масти
- 19 g влакна.
Можеби ќе ве интересира:
Аеробик и пилатес инструктор, Сопственик на FitLife Fitness Studio, Магистeр по фармација и диететика.