Интегрално банана лепче со сува брусница

Банана лепчето е многу познато низ светот и многу често оние кои се хранат здраво си го подготвуваат и го комбинираат на различни начини. Многу потсетува на милиброд и можете да го направите во повеќе варијанти.

Можете да додадете и јаткасти плодови, некое друго суво овошје или пак некоја арома за поинтензивен вкус.

Во секој случај финалниот производ е фантастичен. Сочно, меко и неодоливо задоволство кое можете да го комбинирате со домашна нутела (рецепт), џем од малини (рецепт) или било каков џем кој ви е омилен, дополнително можете да комбинирате и свежо овошје со што ќе имате целосен и нутритивно вреден оброк.

 

Потребни состојки (за 15 парчиња):

Начин на подготовка:

Во длабок сад ги мешаме сувите делови: интегралното брашно, чиа семето, лененото семе, прашокот за пециво и сувата брусница.

Во друг сад со миксер ги мешаме јајцата и шеќерот и во таа смеса полека го додаваме путерот, кој претходно го топиме на пареа.

Бананите ги гмечиме со виљушка и ги додаваме во смесата со јајцата, мешаме со миксерот дури се убаво не се соедини.

На крај двете смеси ги соединуваме.

Садот во кој ќе го печеме лепчето го премачкуваме со маслиново масло. Го печеме лепчето во загреаната рерна на 180°С околу 45-50 минути.

Нутритивни вредности по парче:

177.7 калории, 24.2 g јаглехидрати, 4.3 g масти и 3.6 g протеини.

Уживајте во вашата омилена комбинација!

Повеќе идеи за здрави рецепти пронајдете тука.

Драгана Младеновска

Магистер по фармација, Аеробик и Пилатес инструктор. Зависник од здрава исхрана и експериментирање во кујната.

Leave a Reply

Your email address will not be published. Required fields are marked *