Домашен третман за лице – природна козметика против акни, за негувана и сјајна кожа

Природните маски за лице кои можете да си ги направите сами и во домашни услови се одличен начин да ја негувате и одржувате кожата сјајна и еластична.

Тие не содржат конзерванси и штетни супстанци кои можат негативно да делуваат. Најчесто се прават од намирници кои ги јадеме и секогаш ги имаме дома и затоа се безбедни и за надворешна употреба.

Тоа што го подготвивме за вас е комплекс за негувано лице кој се состои од три маски т.е три третмани кои е потребно да ги правите во три последователни денови.

Првиот ден правиме пилинг за прочистување и смирување на кожата, вториот ден третман за избледување и третиот ден третман за потхранување и регенерација.

Во сите маски користиме аспирин (ацетилсалицилна киселина) која е одлична за намалување на воспалението на кожата. Исто така аспиринот ја намалува пропустливоста на крвните садови и на капиларите, што резултира со намален проток на крв и намалување на воспалените (тоа особено се однесува на луѓе кои имаат проблеми со акни и чести воспалителни процеси на лицето проследени со црвенило).

Овој третман е одличен доколку имате проблеми со акните.

На природен и ефикасен начин ќе ви помогне да ги елиминирате и да ја нахраните и регенерирате кожата.

Прв ден – Пилинг за прочистување и смирување на кожата

  • 2 мали лажички јогурт
  • 4 таблети аспирин
  • 1 мала лажичка мед
  • малку овесни снегулки (мелени, прашок)

Втор ден – Третман за побелување и смирување на црвенилото

    • 4 таблети аспирин
    • 2 мали лажици мед
    • малку сок од лимон

Трет ден – Хранлива маска за регенерација

  • 4 таблети аспирин
  • 3 мали лажички мед

Начинот на подготовка на овој домашен комплекс за негувано лице можете да го погледнете на видеото подолу.

 

Made by: Елена Ѓорѓиевска

Драгана Младеновска

Магистер по фармација, Аеробик и Пилатес инструктор. Зависник од здрава исхрана и експериментирање во кујната.

Leave a Reply

Your email address will not be published. Required fields are marked *