Искрено не знам дали бев толку гладна или навистина го погодив рецептот, но изедов цели 3 парчиња и вечерта се вратив по уште едно 😊
Овој колач е одличен за ужинка или пак за појадок заедно со овошје како додаток. Го направив пред два дена и вечерта кога беше топол го јадевме за ужинка, а следното утро Ана го јадеше за појадок со парченца банана и сок од портокал.
Потребни состојки (16 парчиња):
- 1 чаша интегрално пченично брашно
- 1 чаша мелени овесни снегулки
- ½ прашок за пециво
- 1/3 чаша маслиново масло
- 2 јајца
- 3 лажици кисело млеко
- 2 лажици мед
- ванила (по желба)
- 50 g суво грозје
- 50 g сува брусница
- замрзнати јагоди – од око ставив
- 2 лажици путер од лешник
Начин на подготовка:
Јајцата, киселото млеко, маслиновото масло, медот и ванилата ги ставата во блендер дури не се добие убава хомогена смеса.
Во друг сад го мешате брашното, овесните снегулки, сувата брусница, сувото грозје и прашокот за пециво. На крај ги соединувате двете смеси и ставате во плехче на хартија за печење.
Се пече во загреана рерна на 180˚С околу 20-тина минути. Ќе проверите со чачкалица дали е суво внатре. Може да ја оставите и подолго внатре, а можете да ја покриете и со фолија за да не прегори одозгора.
Времето и начинот на печење многу зависат од рерната и од нејзината јачина затоа што не сите рерни се исти.
Заради јагодите колачот е малку влажен, но не плашете се дека не е испечен внатре. Кога ќе се подизлади ставате одозгора од путерот од лешници и уживајте!
Аеробик и пилатес инструктор, Сопственик на FitLife Fitness Studio, Магистeр по фармација и диететика.
Jagodite na kraj se stavaat vo smesa ili otkoga ke se izlie vo tavce se bockaat odozgora.
Јас ги ставив на крај кога го излив во тавче, но може и во смесата