Како сами да подготвите домашна здрава Нутела

Иако сите знаеме дека рафинираните шеќери и благото не се здрави, сепак понекогаш многу е тешко да се откажеме од тие слатки задоволства. Но, постои светла страна на оваа приказна, затоа што многу варијанти на слатки и десерти се подготвуваат од здрави намирници и за разлика од првите можете да ги јадете без да чувствувате вина дека сте изеле нешто што не треба.

Сосотојки потребни за подготовка на домашна здрава Нутела:

  • 240 g мелени печени несолени лешници
  • 3 супени лажици мед
  • 3 супени лажици какао
  • 120 ml бадемово, кокосово или оризово млеко
  • 1 мала лажичка  кокосово масло или маслиново масло
  • малку ванила
  • неколку зрнца сол

Начин на подготовка:

Сите состојки се мешаат заедно дури не се соединат и кремот се чува во фрижидер.

Овој здрав рецепт е еден од оние кои навистина ќе ги засакате затоа што неговиот вкус е многу сличен со оној на вистинската Нутела. Лешниците содржат големо количество на витамини и минерали, особено Витамин Е. 100 g лешници содржат 100% од дневните потреби за овој витамин кој е моќен антиоксиданс. Исто така содржат и големо количество на магнезиум, калциум, калиум, фосфор, витамини од групата Б како и диететски влакна. Оваа здрава намирница навистина заслужува да биде дел од секојдевната исхрана.

Овој десерт може да биде варијанта за ужинка за вашите деца кои верувајте нема ни да препознаат дека станува збор за нов вкус, внесувајќи притоа виско нутритивна храна која ќе им овозможи подобар раст и развој.

Драгана Младеновска

Магистер по фармација, Аеробик и Пилатес инструктор. Зависник од здрава исхрана и експериментирање во кујната.

Leave a Reply

Your email address will not be published. Required fields are marked *