Појадок за дијабетичари: Безглутенска каша со снегулки од амарант

Зошто амарант?

Амарантот е житарка која се карактеризира со извонредна хранливост, но што е најважно од се не содржи глутен. Богат е со минерали како калциум, фосфор и каротеноиди. Се карактеризира со високо ниво на протеини.

Амарант снегулките се одличен извор на аминокиселина лизин. Оваа аминокиселина се одликува со лесна апсорпција во човековото тело. Има највисоко ниво на железо во споредба со другите претставници на житни култури. Изобилува со растителни влакна – кои го регулираат варењето и го олеснуваат празнењето на цревата.

Нутритивни вредности 100 g/г
Енергетска вредност 364kcal/1529kJ
Протеини 16.9g
Јагленихидрати 51.7g
Од кои шеќери 0g
Диетални влакна 13.6g
Масти 7g
Од кои заситени 1.7g
Сол 0.1g

Зошто стеивиа?

Стевиата содржи само 1,57 kacl во 100 g што ја прави идеална намирница за намалување на килограми. Стевиата е 300 пати послатка од шеќерот но, не го зголемува нивото на глукоза во крвта и не предизвикува покачување на инсулинот што ја прави идеална намирница за дијабетичари.

Слаткиот вкус потекнува од гликозидот стевозид кој во организмот не се претовара во глукоза и затоа гликемискиот индекс на овој засладувач е 0. Стевиата има и лековити својства затоа што содржи калиум, калциум, хром, железо, манган, протеини и бета-каротен.

Комбинирајќи ги амарант снегулките и користејќи ја стевиата како природен засладувач направиме рецепт кој е одличен за дијабетичари, но и за луѓе кои имаат алергија на глутен – Безглутенска каша со снегулки од амарант.

Потребни состојки:

Начин на подготовка:

Во огноотпорен сад ставете ги снегулките од амарант, бадемовото млеко во прав и додадете ја водата. Варете ја кашата на тивок оган дури амарант снегулките целосно не ја впијат течност. Тргнете од оган и оставете малку да се излади. Потоа додадете ја стевиата и замрзнатите боровинки и убаво промешајте. Доколку сакате да направите и убава декорација додадете малку природна боја од цвекло и одозгора декорирајте со овошје по ваша желба. Ние користевме сува малина, кокосови трошки, чиа семе, зрна аронија и киви.

Добар апетит!

Драгана Младеновска

Магистер по фармација, Аеробик и Пилатес инструктор. Зависник од здрава исхрана и експериментирање во кујната.

Leave a Reply

Your email address will not be published. Required fields are marked *