Навистина се радувам што секој ден добивам слики со направени мои рецепти.
Се радувам што ви се допаѓаат и ги практикувате моите идеи се повеќе и повеќе. Се трудам рецептите да бидат едноставни и да пренесам дека готвење не е тешко и не е комплицирано, туку бара само малку желба. Сите имаме време за јадење во текот на денот, па баш заради тоа имаме и уште 10-15 минути плус за готвење (сега бидејќи повеќето од вас се дома е вистинскиот моментот да си ги испробате кулинарски вештини).
Резултатот од готвењето дома е многу повеќе од само вкусен домашен оброк, тоа е љубов и грижа за семејството и најблиските.
Не знам за вас но, јас сум најсреќна кога моите дома уживаат во моите оброци, па макар јас и да не јадам. Уште повеќе се радувам што и мајка ми ја навлеков на вакви рецепти, замислете која привилегија е мајка ви да ве прашува како да направи нешто 😊
Овие палачинки ни беа појадок пред два дена, но денес стигнав да ги објавам.
Еве го рецептот кој е сличен и инспириран од моите овесни палачинки со банана, иако малку изменет.
Потребни состојки:
- 1 чаша овесни снегулки
- ½ чаша протеинска мешавина од @oriflamemk
- 1 јајце
- ½ банана
- 2 лажички какао
- 2 лажици маслиново масло
- 1 чаша млеко (ние купуваме домашно млеко од Млеко од Нашата Фарма)
- 1 лажичка прашок за пециво
прелив: домашен џем од вишни, путер од кикритики од @bonita_organic_nut_butters и замрзнати боровинки од @shumsko.organsko.ovosje
Поубав појадок од овој здравје.
За Ана направив иста комбинација само без протеинска мешавина.
На здравје!
Аеробик и пилатес инструктор, Сопственик на FitLife Fitness Studio, Магистeр по фармација и диететика.
English