Одличен предлог за здрава, лесна и балансирана вечера. Комбинацијата на сите свежи зеленчуци ќе ве освежи и хидрира, а дресингот ќе ја направи салатата специфична и препознатлива.
Не ни верував дека јогуртот може толку убаво да се вклопи во прелив за салата, но сега се уверив и дефинитивно ова ќе го практикувам често.
Дресингот е “накитот” на секоја салата и тој ја прави посебна и вкусна.
Потребни состојки:
- неколку листови марула
- 1 краставица
- 1 морков
- 1 домат
- малку младо кромидче
- 2 лажици варено просо
- ½ зелено јаболко
за дресинг:
- 1 лажица маслиново масло
- 3 лажици Баланс+ јогурт
- сок од ½ лимон
- 1 лажичка сенф
- малку хималајска сол и бибер.
Начин на подготовка:
Зеленчуците и јаболкото насечкајте ги на коцки и измешајте ги убаво и рамномерно. Во друг помал сад измешајте ги сите состојки за дресингот и изматете ги со мрежа за матење јајца. Потоа истурете го преливот врз салатата и пак измешајте.
Уживање во сите бои! На здравје!
Аеробик и пилатес инструктор, Сопственик на FitLife Fitness Studio, Магистeр по фармација и диететика.