Солени крекери со маслинки

Споделете со пријателите

Извинете за сликата, знам дека не е најдобра ама дома не ми дозволија да сликам повеќе пати, ми разграбаа и ги снема крекерите за 10 минути 🙂

Инаку интересно е што овие крекери можат да бидат и low carb, наместо тие 200 g овесни снегулки може да се стави 50 g од неутрална протеинска мешавина од oriflamemk, 50 g мелени семки, 50 g мелено ленено семе и 50 g мелен сончоглед (следен пат јас ќе ги направам така), сега сакав да јаде и Ана па затоа ги правев со овес, но дефинитивно можат да бидат low carb и заедно со полна чинија зелена салата да бидат одличен оброк. Иако совршено се комбинираат и со кисело млеко.

Потребни состојки (за 16 поголеми колачиња):

  • 200 g мелени овесни снегулки
  • 1 лажица псилиум (не е задолжително)
  • 120 g меко сирење, може дури и урда
  • 120 g путер (1/2 коцка)
  • 4 јајца
  • 10 маслинки
  • малку сол и некои зачини по желба.

Начин на подготовка:

Во сад првин ги мешате овесот, псилиумот, солта и зачините. Значи не мора псилиум, но ако немате додадете барем малку пециво.

Во друг сад заедно се матат јајцата, се додава сирењето кое со виљушка убаво го иситнив, а потоа го додадов и путерот кој го стопив на пареа. Кога убаво се соедини смесата ја споив со сувата смеса и мешав убаво.

На крај ги додадов маслинките и со лажица вадев од смесата и правев кругови како бомбици кои ги ставав на хартија за печење во плех потиснувајќи ги одозгора да станат како кружни колачиња.

Ја загреав рерната на 250˚С, но штом ги ставив ја намалив на 160˚С и ги печев 20-тина минути. Но, проверувајте да не ви прегорат. Кај мене беа совршени, но сепак секоја рерна е различна и различно пече, претпоставувам дека секој си ја знае за својата.

Нутритивни вредности по колаче:

  • 146 калории
  • 8.9 g јаглехидрати
  • 9.8 g масти
  • 5.4 g протеини
  • 1.5 g влакна

Ве очекувам со слики од готови колачи 😊

Драгана Младеновска

Аеробик и пилатес инструктор, Сопственик на FitLife Fitness Studio, Магистар по фармација и диететика.

Leave a Reply

Your email address will not be published. Required fields are marked *