Вежбање за време на менструалниот циклус?

Нормално е првиот ден од циклусот да се чувствувате лошо, без енергија и желба да правите било што, и нормално е дека нема да имате желба за било каква физичка активност.

Но, дали знаете дека вежбањето за време на циклусот може да ги намали менструалните болки и грчеви, да ви го подобри расположението и да ви помогне полено и побрзо да го поминете овој “неудобен” период од месецот.

Иако многумина мислат дека кога жената има месечен циклус треба да мирува, тоа е навистина многу погрешно. Вежбањето за време на циклусот може многу да ви помогне да ги намалите болки, да си го подобри расположението и едноставно да направите како да не го забележувате “тој” период од месецот.

4 здравствени придобивки доколку вежбате за време на менструалниот циклус

Се уште не постојат студии кои потврдуваат негативни ефекти врз здравјето доколку вежбате за време на циклус, затоа не барајте изговори да правите прекини или да го одложувате тренингот. Вежбањето за време на циклус може да направи само да се чувствувате подобро.

  • Вежбањето за време на циклус го подобрува расположението и ги намалувам ПМС симптомите

Добро познато е дека вежбањето стимулира лачење на ендорфини во мозокот кои го поттикнуваат доброто расположение и прават да се чувствувате убаво после тренинг, епа тоа истото се случува и кога имате менструација. Замислете, одите да вежбање без трошка мотивација и со лоши мисли, а се враќате дома среќни и исполнети.

Вежбањето за време на циклус има навистина големи ефекти во намалување на ПМС симптомите.

  • Вежбањето за време на месечниот циклус ја зголемува циркулацијата, а со тоа се намалуваат менструалните грчеви

Ендорфините кои се лачат за време на вежбањето ја намалуваат перцепцијата за болка и помагаат полесно да се справите со болните менструални грчеви. Од друга страна стресот и лошото расположение ги поттикнува болките и ги интензивира менструалните грчеви.

Вежбањето на природен начин ќе ви помогне да се ослободите од стресот и на некој начин ќе ви делува како “таблета за болка” намалувајќи ги грчевите и болката.

  • Вежбањето ќе ви го намали заморот и главоболките

Кога немате енергија и не можете да спиете, најдоброто нешто што можете да го направите за себе е да се движите и да бидете активни.

Кога имате најтешко чувство дека баш денес нема шанси да вежбате, е тогаш треба да одите и да го дадете максимумот. Верувајте првите 10 минути ќе бидат навистина тешки, но потоа ќе си бидете благодарни на себе што бевте и направите нешто добро за своето тело и здравје.

Активноста “ќе ве измори” и ќе ви го подобро сонот, така што многу поефикасно ќе одморите за време на ноќта од вообичаено.

  • Ќе ви помогне на природен и здрав начин да си го регулирате менструалниот циклус доколку ви е нередовен

Доколку имате проблеми со нередовен циклус, физичката активност може многу да помогне за воспоставување на “ред” во вашите менструални циклуси.

Секако вежбањето треба да биде попратено со здрава исхрана за да успеете да ги максимизирате резултатите.

Што е најдобро да вежбате за време на менструален циклус?

Доколку навистина не се чувствувате најдобро, не мора да го изберете најтешкиот тренинг, но никако не си давајте изговори дека не треба да вежбате.

Можете слободно да одите на јога, пилатес, аеробик, да одите во теретана и да правите модифицирани вежби кои нема да бидат пренапорни, можете да трчате, да пешачите или да планинарите.


Бидете позитивни кон своето тело и здравје, можеби ќе треба малку енергија да се мотивирате и да започнете, но слушајте си го телото и уживајте во убавото чувство и убавите резултати потоа.

Физичката активност не прави поздрави, помотивирани, поорганизирани, а со тоа и поуспешни луѓе!

Доколку ви треба дополнителна мотивација посетете го нашето студио за Аеробик и Пилатес, лоцирано во хотел ТЦЦ Гранд Плаза во Тафталиџе.

Повеќе за нас прочитајте на линкот.

Драгана Младеновска

Магистер по фармација, Аеробик и Пилатес инструктор. Зависник од здрава исхрана и експериментирање во кујната.

Leave a Reply

Your email address will not be published. Required fields are marked *