Здрава верзија на неодоливите Ferrero Rocher бомбици

Овие неодоливи Ferrero Rocher бомбици се одличен здрав десерт за целото семејство.

Рецептот е многу едноставен, се подготвуваат многу брзо, не се печат и навистина многу наликуваат на познатите Ferrero Rocher чоколатца.

Ако ги направите еднаш, ќе ги правите постојано! 🙂

Потребни состојки (за околу 25 бомбици):

  • 200 g лешници
  • 60 g непечени индиски ореви
  • 120 g урми
  • 20 g какао путер (може и обичен путер)
  • 20 g какао во прав

за чоколаден прелив:

  • 35 g какао во прав
  • 30 g какао путер (може и обичен путер)
  • 45 g кокосово масло
  • 1 лажица мед.

Начин на подготовка:

Оставете на страна околу 25 индиски ореви и лешници за полнење на бомбиците. Остатокот од индиски ореви и лешници сомелете ги во сецко или блендер до прашкаста форма.

Урмите исчистете ги од семките и оставете ги во топла вода да омекнат околу 5 минути.

Какао путерот стопете го и во него додадете ги мелените лешници и индиски ореви, какаото во прав и урмите. Смесата ставете ја во блендер или сецко за убаво да се соедини.

Формирајте топчиња и во секое топче ставете по еден индиски орев или лешник.

За подготовка на филот стопете ги првин какао путерот и кокосовото масло и во смесата додадете го какаото и медот.

Со добиениот чоколаден прелив прелијте ги сите Ferrero Rocher бомбици.

По желба одозгора можете да наросите мелени лешници.

Добар апетит! 🙂

Повеќе идеи за здрави десерти пронајдете тука.

Драгана Младеновска

Магистер по фармација, Аеробик и Пилатес инструктор. Зависник од здрава исхрана и експериментирање во кујната.

Leave a Reply

Your email address will not be published. Required fields are marked *