Здрави лимон бомбици

За овој здрав и исклучително вкусен десерт не е потребно да поседувате посебни кулинарски вештини 🙂

Овие бомбици со одлична арома и вкус на лимон се подготвуваат навистина едноставно и брзо, а можат да бидат одличен предлог за здрав десерт за било кој дел од денот.

Потребни состојки:

  • 100 g суви урми без семка (киснати во вода околу 30 минутни)
  • сок од еден лимон (или лимета)
  • 100 g непечени индиски ореви
  • 100 g ореви или бадеми
  • 100 g интегрални благи крекери
  • малку рендана кора од лимон.

Начин на подготовка:

Во блендер или сецко најпрвин измелете ги интегралните крекери. Потоа продолжете со мелење на индиските ореви и оревите или бадемите и во таа смеса додадете ги урмите.

На крај додадете ги мелените крекери во смесата од мелени јатки и урми и додадете го сокот од лимон, по потоа нарендајте и малку кора од лимон.

Измешајте убаво со голема лажица и почнете да формирате топчиња.

Од оваа количина на намирници можете да добиете околу 20-тина бомбици, но сепак тоа ќе зависи од нивната голема.

По желба можете да ги валкате во кокосови трошки или пак да измелете уште 5-6 интегрални крекери.

Уживајте во вкусниот и здрав десерт!

Повеќе идеи за здрави десерти, можете да најдете тука.

Драгана Младеновска

Магистер по фармација, Аеробик и Пилатес инструктор. Зависник од здрава исхрана и експериментирање во кујната.

Leave a Reply

Your email address will not be published. Required fields are marked *