Аеробик: Забавно вежбање кое ги топи килограмите и ве прави посреќни

Што претставува аеробното вежбање?

Аеробното вежбање подразбира било каква телесна активност при која се користат големите мускулни групи и која може да се изведува подолго време.

Примери за аеробна активност се: пливање, трчање, возење велосипед, веслање, скијање, пешачење, играње, ролање, аеробик и сл.

Аеробната активност ја поттикнува работата на срцето, белите дробови и циркулацијата кои мораат заедно ефикасно да работат во моментите на аеробната активност затоа што мора што повеќе кислород и хранливи материи да се однесат до мускулите кои ја трошат енергијата.

Колку подолго време практикувате аеробна активност, толку повеќе го зајакнувате срцевиот мускул и тој станува поефикасен и ја зголемува количината на крв која ја уфрла во циркулацијата. Оние кои подолго време практикуваат аеробна активност можат да вежбаат подолго време без паузи и многу побрзо се опоравуваат после тренингот, споредено со тие кои не вежбаат таков тип на активност.

Зошто да изберете аеробик?

Аеробикот денес е најраспространетиот облик на рекреативно вежбање креиран така што дава врвни резултати со минимална можност од добивање повреди. Ритмичката музика на која се изведуваат аеробик вежбите дополнително дава мотивација и ве тера да го дадете максимумот од себе.

Со 1 час аеробик се согоруваат околу 500 калори. После 1 час ефективно аеробик вежбање, не само што ќе ги потрошите тие 500 калории, туку ќе си заминете дома среќни и полни со енергија.

Аеробикот ќе ви помогне да ја потрошите и исфрлите од себе негативната енергија акумулирана во текот на денот и ќе ви помогне да бидете посреќна и поисполнета личност. Сето тоа чувство што ќе го побуди еден аеробик час кај вас, ќе ве тера со нетрпение да го очекувате и следниот час затоа што чувството на среќа и задоволство повторно ќе бидат присутни.

Исто така за разлика од теретана или одење на фитнес, аеробикот најчесто е групна активност водена од инструктор кој постојано ве мотивира и поттикнува да го дадете најдоброто од себе. Дополнително, самиот факт што не сте сами, туку сте со група со повеќе луѓе ве прави да се чувствувате уште поенергично и поубаво, а сето тоа е дополнителна мотивација која нема да дозволи да се откажете лесно.

Предности од вежбање аеробик:

  • подобра циркулација
  • зголемен капацитет на срцето и белите дробови
  • намалување на крвниот притисок
  • зголемување на густината на коските и мускулното ткиво
  • зголемување на силата и издржливоста
  • намален ризик од појава на кардиоваскуларни болести, остеопороза и дегенеративни болести на зглобовите
  • подобрена координација и рамнотежа
  • побрз метаболизам и лесно и ефикасно губење на масното ткиво
  • појак имунитет
  • намален ризик од појава на канцерогени заболувања
  • повеќе енергија
  • подобар сон
  • подобро психичко здравје, намален ризик од појава на анксиозност, депресија, лошо расположение, стрес и сл.

Придобивките од вежбањето се огромни, ваше е само да се решите и да започнете веднаш, затоа што изговорите нема да ве направат поздрави и посреќни!


Нашето студио FitLife Fitness Studio е специјализирано студио за Аеробик и Пилатес, лоцирани сме на две локации во Скопје и тоа: Кисела Вода и Козле.

Соединувајќи вежби за мобилност, сила, флексибилност и кондиција креираме часови наменети за секого.

Кај нас ќе го најдете тоа што ви е потребно и што е најважно мотивација која нема да дозволи лесно да се откажете!

Изберете ја групата која најмногу ви одговара и резервирајте си што поскоро место на телефон 071 273 982.

Термини во Кисела Вода:

  • Low Impact Pilates (mat, ball и cardio) – вторник/четврток/ сабота од 18.00 часот
  • Power Pilates (mat, ball и cardio) – понеделник/среда/петок од 19.00 часот
  • Аеробик (step, energy и mix) – понеделник/среда/петок од 18.00 часот и вторник/четврток од 19.00 и 20.00 часот и сабота од 19.00 часот.
  • AfterWork Pilates – вторник/четврток од 17.00 часот
  • Утрински Пилатес (mat, ball и mix) – понеделник/среда/сабота од 09.00 часот

Термини во Козле:

  • Low Impact Pilates (mat, ball и cardio) – понеделник/среда/петок од 20.30 часот
  • Power Pilats (mat, ball и cardio) – понеделник/среда/петок од 20.30 часот
  • Аеробик (step, energy и mix) – вторник и четврток од 20.30 часот и недела од 18.00 и 19.00 часот.
  • Mix Pilates – вторник/четврток од 18.00 часот
  • Утрински Пилатес (mat, ball и mix) – вторник/четврток од 09.00 часот и недела од 10.00

Доколку сакате да ја почувствувате и видите атмосферата на нашите часови погледнете го видеото во продолжение, а повеќе за нас прочитајте на линковите подолу:

FitLife Studio 1 – Кисела Вода

FitLife Studio 2 – Козле

facebook група: Аеробик и Пилатес – FitLife Fitness Studio

facebook страна: fitlife.com.mk 

Драгана Младеновска

Магистер по фармација, Аеробик и Пилатес инструктор. Зависник од здрава исхрана и експериментирање во кујната.

Leave a Reply

Your email address will not be published. Required fields are marked *