Преливот за салата ја збогатува салатата и ја прави вистински оброк кој ги задоволува сите сетила. Во маркетите денес можат да се купат многу готови преливи кои се преполни со конзерванси, бои, емулгатори, многу масти и многу калории. Имајќи го во предвид фактот што сите овие додатоци се опасни за нашето здравје, многу подобро, а и полесно е да си подготвите сами. Имаме 3 идеи за подготовка на здрави преливи за салата. Овие преливи можете да ги подготвите во било кое време и да ги чувате во фрижидер околу 5 дена.
Прелив со сенф и куркума:
- 1 лажица маслиново масло
- 1 лажичка сенф
- 1 лажичка оцет балсамико
- ¼ лажичка куркума
- ¼ лажичка сол.
Измешајте ги сите состојки убаво и употребете го преливот веднаш или пак складирајте го во стаклена тегличка.
Овој прелив одлично се комбинира со цезар салата, но и со зелена салата од марула и рукола.
Кари прелив:
- 2 супени лажици ниско маслена павлака
- ¼ лажичка кари
- 1-2 чешниња ситно исечкан лук
- 1 лажичка маслиново масло
- ¼ лажичка сол
- малку бибер.
Овој кари прелив одлично се комбинира со зелена салата и пилешко месо.
Гвакамоли прелив со авокадо:
- ½ авокадо
- сок од ½ лимон
- 1 лажица маслиново масло
- 1-2 чешниња ситно исечкан лук
- сол и црн бибер (по желба).
Авокадото убаво изгмечете го со виљушка или пак ставете го во блендер, потоа додадете ги другите состојки и мешајте со лажица дури не добиете хомогена смеса.
Искористете го овој прелив како додаток за било која свежа и здрава салата. Повеќе идеи за здрави салати пронајдете тука.
Аеробик и пилатес инструктор, Сопственик на FitLife Fitness Studio, Магистeр по фармација и диететика.