Проблемот со празнење на цревата е можеби еден од најчестиот проблеми со кој се соочуваат луѓето. Може да ги зафати сите, и стари и млади и секогаш решението е во промена на исхраната и секојдневните навики. И проблемот со хемороидите кој е многу застапен меѓу популацијата многу често е поврзан со тешкото празнење на цревата.
За решавање на проблемот со констипација најдобро е да внесувате храна која изобилува со растителни влакна, да пиете многу вода и секако да бидете физички активни. Доколку го практикувате тоа бидете сигурни дека никогаш нема да имате проблем.
Брзата храна, белото брашно, рафинираните шеќери и физичката неактивност се главните виновници кои можат само да го продлабочат овој проблем.
Подготвивме за вас еден одличен рецепт кој изобилува со растителни влакна, пробиотици, витамини и минерали и кој е одличен за здрав почеток на денот и здраво будење на дигестивниот тракт – Овошен јогурт со суви сливи.
Потребни состојки:
- 200 ml јогурт
- 5-7 суви сливи (но претходно киснати во вода, барем 2 часа или преку ноќ)
- 1 киви
- ½ банана
- 1 лажица мелено ленено семе
- 1 лажица чиа семе.
Начин на подговорка:
Водата од сувите сливи фрлете ја и сите состојки ставете ги во блендер, мешајте дури не добиете густа хомогена смеса која личи баш на овошен пудинг.
Овој појадок содржи 428 калории, 71.1 g јаглехидрати, 13 g масти и 12.1 g протеини и околу 14.5 g растителни влакна, тоа е околу 60% од дневната препорачана количина на внес на растителни влакна за жени (препорачано 25 g за жени) и околу 40% од дневната препорачана количина за внес на растителни влакна за мажи (препорачано околу 35 g за мажи).
Можеби ќе ве интересира: 7 намирници против констипација.
