Одлично богато пченкарно лепче кое може да се вклопи во секој оброк. Овесните снегулки можете да ги замените со некое друго безглутенско брашно и да добиете безглутенско пченкарно лепче.
Можете да го комбинирате и за појадок со чаша јогурт.
Потребни состојки:
- 1 чаша пченкарно брашно
- 1 чаша мелени овесни снегулки (ги ставате во блендер дури не се направат брашно)
- ½ чаша оризово брашно
- 1 лажичка прашок за пециво
- 1 чаша јогурт
- 3 јајца
- малку сирење по желба
- за одозгора семиња по желба (сусам, лен, семки од тиква или сончоглед).
Начин на подготовка:
Најпрвин во еден подлабок сад измешајте ги сувите делови (пченкарното брашно, овесните снегулки, оризовото брашно и прашокот за пециво). Во друг сад изматете ги јајцата заедно со јогуртот и на крај додадете го сирењето изрендано или насечкано на ситни парченца. Соединете ги двете смеси и истурете го лебот во правоаголен сад за печење леб обложен со хартија за печење. Печете го лепчето на температура од 200°С околу 20-тина минути, но проверувајте, потребно е да добие одозгора златно жолта боја.
2-3 минутки пред да биде готово, извадете го лепчето и наросете го со семињата и вратете пак во рерна уште 2-3 минутки.
Добар апетит!
Рецептот и сликите за ова прекрасно лепче ни ги испрати Елена Ѓорѓиевска.
