Споделете со пријателите

30 дневен смути предизвик.

Приклучете ни се! Секој ден ве инспирираме со интересна рецепта за подготвување смути.

Ден 20

Ресана смути

Овој вкус сигурно ќе ви се допадне – ресана смути. Но, ова е здрава варијанта на ресана вкусот. Сигурно претпоставувате дека портокалот овде ќе го заземе главното место. Вечерта пред да планирате да го направите ова смути измијте го портокалот убаво и ставете го во замрзнувач. Потребно е да го замрзнете бидејќи ќе ја користиме кората од портокалот. Таа има поинтензивен вкус од плодот и ја замрзнуваме за да биде полесна за рендање. Еве што ќе ви биде потребно:

1 замрзнат портокал
1/2 банана
200 ml млеко (како замена за млеко може да користите здрава варијанта на кокосово, бадемово или оризвово млеко)
2 коцки стопено темно чоколадо (замена за чоколадото може да ви биде мала лажичка какао)
2-3 коцки мраз
1 мала лажичка мед (по желба)
малку цимет (по желба)

Како да подготвите?

Изрендајте дел од портокалот, околу 2 супени лажици. Коцките мраз искршете ги убаво во блендерот и потоа додадете ги другите состојки. Убаво измешајте. Доколку уживате во декорации, искористете дел од остатокот од стопеното чоколадо и украсете ги ѕидовите на чашата. Дополнително би можеле да декорирате и со парче портокал.

На здравје!!!

by Елена Ѓорѓиевска