Растителните влакна помагаат за слебеење, за подобра работа на органите за варење, како и за намалување на ризикот од кардиоваскуларни заболувања. Брзиот живот и лошите животни навики понекогаш се причина за недоволен внес на овие влакна, што гледано на долгорочен план може да предизвика здравствени проблеми. Дневната препорачана количина на растителни влакна изнесува 20-30 g.
За да ви ја олесниме работата, во продолжение прочитајте кои намирници најмногу соджрат растителни влакна и можат да ви помогнат да ги задоволите дневните потреби.
1.Овесна каша
Овесот е богат со растителни влакна и тоа 100 g овесни снегулки содржат околу 10 g растителни влакна. Бидејќи вообичаено овесната каша ја подготвуваме со јогурт, кефир и сл. и во неа додаваме јатксти плодови, ленено семе и чија семе… сето тоа го зголемува број на растителни влакана, така што со богата и здрава овесна каша ќе внесете повеќе од половина од дневната препрачана доза на растителни влакна.
Ќе ве интересира: Како да си подготвите вкусна и здрава овенса каша?
2.Авокадо
Во авокадо со средна големина има околу 5 g растителни влакна. Освен тоа авокадото е богато и со мононезаситени масни киселини кои придонесуваат за подобро функционирање на кардиоваскуларниот систем. Можете да го насечкате на коцки и да го додадете во вашата омилена салата или пак да си подготвите вкусн сос од авокадо (рецепт).
3. Чија семе
2 супени лажици чија семе содржат околу 11 g растителни влакна. Освен тоа чија семето е богато и со омега-3 масни киселини, магнезиум, фосфор, калциум и многу антиоксиданси. Исто така чија семето е нискокалорично и не содржи глутен. Најлесно да го конзумирате е да ги додавате во вашето смути, салата или овесна каша.
Ќе ве интересира: Како да си подготвите брз и здрав чија пудинг?
4.Леќа
Леќата е богата со растворливи и нерастворливи растителни влакна и многу поволно влијае на намалување на нивото на холестерол во крвта. Се подготвува многу брзо, доколку ја оставите во вода преку ноќ. Следниот ден додајте и сечкани домати, пиперка и кромоид и варете ја само 10-15 минути.
5.Брокули
100 g брокули содржат околу 3 g растителни влакна. Најлесно се подготвуваат на пареа или пак со варење но, само 2-3 минути. Можете да ги јадете како додаток со месо, како салата или пак да ги дададете во вашата супа.
6. Суви сливи
3-4 суви сливи содржат околу 3 g растителни влакна. Додадете ги во вашата овесна каша или јадетете ги индивиуално. Но, бидете внимателно бидејќи содржат многу шеќери.
7.Прокељ
Намирица кој баш и не им е најомилена на децата иако е одличен извор на растителни влакна. 10-тина топчиња прокељ содржат околу 7 g растителни влакна. Прокељот е највкусен кога се готви на пареа, па потоа кратко се пропржува на маслинов зејтин. На крај се зачинува со сол, лимон и малку рендано сирење.
