Споделете со пријателите

30 дневен смути предизвик.

Приклучете ни се! Секој ден ве инспирираме со интересна рецепта за подготвување смути.

Ден 18

Смути со бобинки

За денес се одлучивме за црвено-розева варијанта на смути. Кој може да им одолее на малите слатки црвени овошки? Богати се со бројни растителни хранливи материи, витамини и минерали кои се есенцијални за одржување на доброто здравје. Ова смути е идеален ладен летен пијалок богат со антиоксиданси, разблажен со вкусот на бананата.

Што ќе ви биде потребно?

5-6 цреши (без семка)
5-6 јагоди
5-6 малини
10-тина зрна аронија
1/2 банана
неколку коцки мраз
200 ml кокосово млеко/вода

Како да подготвите?

Ако обожавате ладни пијалоци бобинките претходно можете да ги замрзнете. Кокосовата вода подгответе ја така што 2 супени лажици кокосово брашно ќе го прелиете со 200 ml зовриена вода. Оставете да стои половина час и потоа процедете. Kокосовото млеко/вода на тој начин е спремно за употреба. На крај измешајте ги сите состојки во блендер и уживајте во богатиот ладен пролетен вкус 🙂

На здравје!