Постојат многу причини зошто секој ден би требало да пиеме зелени сокови/смути, а една од најважните причини е аалкализација на организмот.
Здравата исхрана подразбира внес на кисели и алкални намирници во правилен сооднос, но сепак во современата исхрана преовладува кисела храна која создава кисела средина во нашето тело. Киселата средина е поволна за развој на инфекции, канцер и многу други заболувања.
Можеби ќе ве интересира: Дали храната може да влијае на киселоста/базноста на телото?
За да бидете сигурни дека во денот сте внеле намирници кои ќе ви помогнат да го алкализирате телото тогаш најлесно е да испиете еден зелен кашест сок кој се подготвува многу брзо и едноставно.
Зелените кашести сокови придонесуваат за алкализација и детоксикација на организмот затоа што содржат хлорофил кој ја намалува киселоста во телото, исто така хлорофилот ги врзува тешките метали и прави детоксикација на телото.
Зошто денот да го започнете со зелен напиток?
- помага во борба против инфекции
- има антивоспалителен ефект
- има антиоксидативно дејство
- ќе ви помогне за неутрализација на лошиот здив
- ќе ве наполни со витамини и минерали за цел ден
- ќе ви помогне за полесно празнење на цревата.
Зелениот лиснат зеленчук не содржи скроб и може да се комбинира со повеќе типови на зеленчук и овошје.
Зелен смути напиток за појадок е одлична идеа за здрав почеток на денот затоа што изобилува со витамини и минерали кои правилно ќе го активираат и разбудат вашето тело. Дополнително содржи и многу влакна кои ќе ја подобрат перисталтиката на цревата и ќе ви помогнат за полесно и поефикасно празнење на истите.
Наш предлог за зелен утрински напиток:
- неколку листови спанаќ
- неколку листови или перца целер (ако сакате можете и малку од коренот на целерот)
- сок од еден лимон
- 1 киви
- 5-6 тркалца краставица
- 1 лажичка ленено семе
- 1 лажичка чиа семе
- околу 200 ml вода.
Сите состојки ставете ги во блендер и блендирајте дури не добиете хомогена и еднолична смеса.
Можеби ќе ве интересира: Утрински напиток за чистење на дебелото црево.
Аеробик и пилатес инструктор, Сопственик на FitLife Fitness Studio, Магистeр по фармација и диететика.
English