Знаци за недостаток на магнезиум

Раните знаци и симптом на недостаток на магнезиум можат да вклучуваат гадење и повраќање, губење на апетитот, замор како и слабост.

Иако многу од луѓето не ги внесуваат потребите дози на магнезиум на дневно ниво, сепак изразен недостаток со клинички значајни симптоми се јавува многу ретко затоа што телото во услови на егзоген недостаток на магнезиум го “влече” магнезиумот од коските што понатаму може да предизвика појава на остеопороза.

Зошто ни е потребен магнезиумот?

Магнезиумот е олигоелемент кој нашето тело не може да го продуцира и затоа мораме да го внесуваме егзогено преку храна или додатоци во исхрана. Неговата улога во телото е многу значајна затоа што учествува во многу физиолошки процеси. Тој ја регулира работата на повеќе од 300 ензимски системи во нашето тело имајќи улога како ко-фактор. Магнезиумот е есецнијален за:

• производство на енергија
• структура на коските и забите
• мускулна функција
• нервна функција
• репликација на ДНК
• синтеза на РНК и протеини.

Сите овие процеси се исклучиво важни и имаат витална функција за одржување на нормалните физиолошки процеси во телото. Недостатокот од магнезиум на дневно ниво може да влијае на повеќе здравствени аспекти.

Кога може да се јави недостаток на магнезиум?

Изразениот недостаток на магнезиум иако се јавува ретко, сепак значајно е да се потенцира дека и малиот недостаток во подолг временски период може да предизвика здравствени нарушувања и појава на одредени симптоми и знаци. Фактори кои го зголемуваат ризикот од недостаток на магнезиум:

• недоволен внес преку храна
• одредени гастроинтестинални нарушувања како Кронова болест или други инфламаторни болести, целијакија (алергија на глутен), ентеритис и слично.
• губење на голема количина на магнезиум преку урина или потење како резултат на некои генетски нарушувања или често консумирање на алкохол
• бременост и доење
• хоспитализација
• паратироидни нарушувања и хипералдостеронизам
• дијабет тип 2
• зголемена физичка активност
• возраста – кај повозрасни често се јавува недостаток
• земање на одредени лекарства како што се инхибитори на протонска пумпа, диуретици, бифосфонати и антибиотици.

Долгорочниот и пролонгиран недостаток на магнезиум може да влијае на:

• густината на коските
• функцијата на мозокот
• нервната и мускулната функција
• и на дигестивниот систем.

Намалување на густината коските е многу значајна и кај помладите затоа што недостатокот на магнезиум може да го наруши растот и развојот на мускуло-скелетниот систем.

Кај постарите лица, недостаток на магнезиум може да го зголеми ризикот од остеопороза и фрактури на коските, но и да го потенцира развојот на многу хронични болести.

Симптоми на недостаток на магнезиум?

Раните знаци на недостаток на магнезиум можат да предизвикаат губење на апетитот и гадење. Исто така значајни знаци за недостаток се и повраќање, замор и слабост.

Доколку недостатокот на магнезиум прогредира може да се јави и:

• ниско ниво на калциум во крвта
• ниско ниво на калиум во крвта
• вкочанетост и пецкање во екстремитетите
• грчеви и мускулни контракции
• напади
• промени во однесувањето
• абнормален срцев ритам.

Продолжениот недостаток на магнезиум може да има негативен ефект врз долгорочното здравје на една личност и да го зголеми ризикот од хронични заболувања, вклучувајќи:

• кардиоваскуларни болести
• висок крвен притисок
• дијабетес тип 2
• остеопороза.

Препорачана дневна доза

За да може телото нормално да функционира дневните потреби за магнезиум се околу 6 mg по килограм телесна тежина, што би значело околу 350 mg за жени и околу 450 mg за мажи.

Дневните потреби за магнезиум се зголемуваат за време на бременост и доење.

Храна богата со магнезиум

• јаткасти плодови, особено бадеми, индиски ореви и кикиритки
• спанаќ
• мешунки
• интегрален леб од цело зрно
• авокадо
• компир
• ориз
• јогурт.

Помали количини има и во: овесна каша, банана и јаболко, во лосос, млеко, суви сливи, пилешко и телешко месо, брокули, моркови и др.

Кога нивото на магнезиум во телото е ниско, телото интензивно го апсорбира магнезиумот кој го внесуваме егозогено и ја намалува екскрецијата преку бубрезите се во насока да се одржи нивото на магнезиум во оптималниот опсег. 

Доколку не сте сигурни дека ја внесувате препорачаната доза преку исхраната, користете квалитетни додатоци во исхрана кои содржат оптимална концентрација на магнезиум.

Магнетранс е гранулат за директна примена кој содржи 375 mg магнезиум по кесичка, лесен и практичен за употреба.
Со една кесичка на ден задоволувате 100% од дневните потреби за магнезиум.