За време на летото, многу луѓе одлучуваат да ја редуцираат физичка активност со изговор дека е навистина многу топло и не е добро да се вежба. Но, сепак ако сте во групата на луѓе кои се грижат за своетo тело и здравје, летото не треба да има никакво влијае врз тоа колку физички активни ќе бидете.
Иако навистина е потешко да сe вежба доколку температурите сe многу високи, сепак ако понесете со себе доволно вода и ако изберете физичка активност која би можеле да ја вежбате надвор, тогаш се ќе биде како што треба.
Еве 5 одлични причини зошто не би требало да го изоставите тренингот во летните топли месеци.
1) Мускулите ги топат мастите, дури и кога мирувате
Аеробната активност помага за зголемување на потрошувачката на калории, а метаболизмот е оној кој игра најважна улога во начинот на кој храната се претвора во енергија. Луѓето со поголема мускулна маса имаат и поголема енергетска потрошувачка, дури и кога мируваат. Како што старееме метаболизмот се забавува и сето тоа предизвикува постепено натрупување на вишок килограми кои со текот на годините многу потешко се губат.
Одржување на мускулното ткиво и континуирано вежбање е најдобриот начин да одржите баланс помеѓу метаболизмот и килограмите. Доколку континуирано вежбате без паузи ќе успеете да го одржите мускулното ткиво и ќе немате ризик од забавување на метаболизмот и трупање на масно ткиво.
2) Мускулите помагаат во одржување на здрави коски
Како што старееме, густината на коските полека опаѓа, а тоа е најмногу изразено кај жените во менопауза. Сето тоа предизвикува појава на остеопороза и проблеми со мускуло-скелетниот систем. Сите сме сведоци дека скоро и да нема човек кој е во повозрасни години, а да нема проблеми со коските (болки во колена, грбот, помала подвижност и сл.).
Континуираната физичка активност докажано помага во зголемување на густината на коските и намалување на ризикот од појава на остеопороза. Особено е значајно физичката активност да биде најголема до 25-тата година од животот кога се формира коскеното ткиво. Годините потоа е потребно повторно да се вежба за да се одржи таа коскена структура. Кај луѓето кои редовно вежбаат ризикот од појава на проблеми со коските дури и во поодминати години е многу мал.
3) Затегнување на мускулите ја подобрува рамнотежата
Освен превенцијата од вишок килограми и намалување на ризикот од појава на остеопороза, редовната физичка активност помага и во подобрување и одржување на рамнотежата. Рамнотежата е битна во секојдневните активности како пазарење во маркет, качување по скали и сл. Физичката активност е особено значајна за одржување на рамнотежата и тоа кај повозрасни луѓе затоа што проблемите со рамнотежата во поодминати години многу влијаат на квалитетот на живот. Затоа ако сакаме да бидеме подвижни, витални и без проблеми со мускуло—скелетниот систем во повозрасни години мораме да вложуваме во телото во младоста.
4) Превенција од болести
Физичката активност докажано позитивно влијае на целокупното здравје, вклучувајќи го и ризикот од кардиоваскуларни заболувања, дијабетес и сл. Доколку редовно вежбате преку целата година, телото тоа го знае така што ќе ве награди со одлично здравје, појак имунитет и подобро расположение.
Исто така многу студии потврдуваат дека редовната физичка активност може да помогне во намалување на болката во зглобовите кај оние кои имаат артритис, дури и поефикасно отколку лековите.
Дополнително физичката активност го подобрува менталното здравје и го намалува ризикот од појава на депресија и анксиозност кои се јавуваат се почесто дури и меѓу помладата популација.
5) Ако вежбате редовно ќе изгледате супер на плажа 🙂
Покрај сите здравствени придобивки кои ги нуди вежбањето, една дополнителна предност е што со редовна физичка активност ќе изгледате супер на плажа. Редовната физичка активност го одржува мускулниот тонус, а тоа е она што всушност прави да изгледате и да се чувствувате добро во костим за капење.
Заклучок:
Физичката активност не би требало да трпи за време на летото, доколку навистина не можете да издржите да вежбате во затворени простории, направете го тоа надвор.
За оптимални резултати и одржување на мускулното ткиво потребна е редовна физичка активност. Изговорите не трошат калории, ниту пак градат мускули.
Нашето студио за Аеробик и Пилатес – Fitlife Fitness Studio не прави паузи за време на летото, ние сме за Вас тука постојано и вежбаме цела година без паузи.
Имаме две локации и најразлични часови за секого – прочитајте повеќе.
Фото: Vrzalski Photography
Можеби ќе ве интересира:
Аеробик и пилатес инструктор, Сопственик на FitLife Fitness Studio, Магистeр по фармација и диететика.