Десертот не мора да биде пречка за успешноста на диетата. Во продолжение е опишано како да подготвите здрав колач со ореви, јаболка и овесни снегулки без грам брашно. 🙂
Потребни состојки:
- 4 чашки овесни снегулки
- 1 чаша кокосово брашно
- 1 чаша ситно сецкани или мелени ореви
- 2 јаболки (излупени и изрендани)
- 1/2 чаша кафеав шеќер
- 150 ml маслиново масло
- 3 супени лажици мед
- 1 лажичка мелен цимет
- малку рендано морско оревче (по желба).
Начин на подготовка:
Во еден голем сад измешајте ги овесните снегулки, кокосовото брашно и оревите. Овесните снегулки можете да ги ставите во блендер и да направите овесно брашно, но доколку не сакате не мора.
Во друг огноотпорен сад измешајте ги кафеавиот шеќер, ренданите јаболки, маслиновото масло, медот, циметот и морското оревче. Ставете ја оваа смеса на оган да зоврие. Потоа тргнете ја од оган и додадете ги овесните снегулки, кокосовото брашно и оревите.
Измешајте убаво, смесата ставете ја во огноотпорен сад и печете 15-20 минути во загреана рерна на 180°С.
Калориска вредност по порција:
Околу 300 калории, 15 g масти, 45 g јаглехидрати, 9 g протеини и 6 g диететски влакна.
Пробајте го рецептот, нема да зажалите! 🙂
