Едноставен и здрав ручек набрзина. Изненадете ги најблиските со овој едноставен, но деликатесен рецепт.
Потребни состојки (за две порции):
- 2 поголеми домати
- 2 јајца
- 2 млади кромитчиња
- 2-3 листа блитва
- малку хималајска сол и црн бибер.
Начин на подготовка:
Исечете ги врвовите на доматите и испразнете им ја внатрешноста. Блитвата и кромидот ситно насечкајте ги и измешајте ги заедно со јајцата на ист начин како да правите кајгана. На крај полека полнете ги доматите и посолете со малку хималајска сол и црн бибер. Ставете ги да се печат на 180-200°С околу 10-15 минути.
Како гарнир со овие вкусни поленти домати можете да си направите печени компири со зачини и маслиново масло.
Потребни состојки:
- 3-4 компири
- 1 лажица маслиново масло
- 1 мала лажичка лута буковка
- 1 мала лажичка блага буковка
- малку хималајска сол и црн бибер.
Начин на подготовка:
Компирите излупете ги и насечкајте ги на тркалца. Ставете ги во плех и попрскајте ги со маслиновото масло и со буковката. Доколку не сакате луто ставете само блага буковка. На крај посолете со малку хималајска сол и црн бибер. Печете на температура од 180-200°С околу 1 час, иако тоа зависи од тоа колку сакате компирите да бидат крцкави. Ако сакате покрцкави насечете ги на потенки парченца и печете подолго.
Како декорација можете да исечкате морков и да наросите малку оригано и сусам.
Добар апетит!
Рецептот и сликата ни ги испрати Александра Ангеловска.
Аеробик и пилатес инструктор, Сопственик на FitLife Fitness Studio, Магистeр по фармација и диететика.