Времето на подготовка на овој балансиран појадок е не повеќе од 2 минути, а добивате вистинска нутритивна бомба полна со многу хранливи состојки.
Потребни состојки:
- 4 лажици мешавина од овесни, јачменови, ‘ржани и пченични снегулки
- 1 лажица чиа семе
- 200 ml Баланс+ јогурт
- 1 мала праска
- јагоди и неколку боровинки
- неколку бадеми.
Начин на подготовка:
Снегулките, чиа семето и јогуртот измешајте ги заедно вечерта пред да одите на спиење. Така преку текот на ноќта тие ќе можат да ја впијат влагата и следниот ден за брзо ќе бидат спремни за консумирање.
Следното утро ставете ја во блендер мешавината од снегулки, чиа и јогурт, додадете ги јагодите, праската, и бадемите и блендирајте.
Ќе добиете густ, вкусен и балансиран овошен јогурт кој е одличен за старт на денот.
Спакувајте го вака подготвениот оброк во тегличка за носење и уживајте во балансираниот појадок на работното месо или каде и да одите.
Од нутритивен аспект овој појадок содржи:
- 445 g калории
- 65 g јаглехидрати
- 13.8 g масти
- 20 g протеини
- 16.5 g растителни влакна.
На здравје!
