Збогатете ја новогодишната и божиќната трпеза со овие крцкави, вкусни, и истовремено здрави божиќни колачиња.
Можете да ги подготвите и во дупла количина, затоа што остануваат крцкави и свежи подолг период.
Потребни состојки:
- 120 g путер
- 3 лажици кафеав шеќер
- 3 лажици малтекс или мед
- 1 јајце
- 1 лажичка ѓумбир во прав
- 1 лажичка прашок за пециво
- 1 лажичка цимет
- малку ванила
- 250-300 g интегрално брашно.
Начин на подготовка:
Најпрво со миксер ги мешаме путерот и шеќерот, потоа во таа смеса ги додаваме малтексот или медот и јајцето, и продолжуваме со мешање. Кога смесата убаво ќе се соедини ги додаваме ѓумбирот, прашокот за пециво, циметот и ванилата, убаво соединуваме повторно. На крај полека го додаваме брашното, потребно е да се добие густа смеса која ќе може да се меси со сукало.
Од смесата развлекуваме тенка кора и од неа вадиме новогодишни фигури со калапи. Колачите ги печеме на температура од 180°С околу 10-12 минути.
На крај декорирајте со растопено темно чоколадо и кокосови трошки.
Среќни празници! 🙂
