Овој колач многу е брз за правење и едноставно неодолив.
Нема шеќер и е навистина совршена ужинка за цело семејство. Можете да направите сличен и за вашите бебиња 8+ со следна модификација. Не додавајте цело јајце (само жолчка) и не додавајте пециво, а како прелив користете густо смути од овошки кои му се омилени на вашето бебе.
Пример може банана со слива (без мед).
Состојки:
- ½ чаша интегрално брашно
- ½ чаша пченкарно брашно
- малку пециво
- 1 јајце
- 1 лажица кокосово масло
- малку вода
за фил:
- замрзнати малини
- мед
Подготовка:
Сите состојки за тесто убаво измешајте ги и додадете малку вода( од око ќе внимавате на смесата, да не е течна, но не ни многу густа).
Печете во рерна на 180˚С околу 20-тина минути.
За подготовка на филот, малините ставете во тенџере на тивок оган полека да се размрзнат, на крај тргнете од оган малку да се заладат и додадете 1 лажица мед.
Кога колачот ќе се испече ставете од филот одозгора.
Превкусно!!!
Рецепт на Елена Ѓорѓиевска.
Аеробик и пилатес инструктор, Сопственик на FitLife Fitness Studio, Магистeр по фармација и диететика.