30 дневен смути предизвик.
Приклучете ни се! Секој ден ве инспирираме со интересна рецепта за подготвување смути.
Ден 5
Смути со цвекло
Цвеклото е еден од најдобрите извори на фолна киселина и бетаин. Овие два нутриенти дејствуваат заедно и се мошне успешни во намалување на хомоцистеинот во крвта, кој може да предизвика оштетувања на артериите, а со тоа се зголемува и ризикот од срцевите заболувања. Конзумирајте го цвеклото свежо, а не од тегла. Изложување на цвеклото на висока температура ја намалува моќта на антиоксидансите кои влегуваат во неговиот состав. Освен коренот, и листовите од цвеклото можат да се користат во исхраната. Tие исто така изобилуваат со витамини, минерали и антиоксиданси. Покрај изобилството со хранливи материи (јаглехидрати, белковини и масти), цвеклото ги содржи речиси сите минерали и тоа: калциум, калиум, натриум, фосфор, магнезиум, железо, флуор, манган, бакар, јод, сулфур, литиум, стронциум и бром. Содржи и значајни количини на витамини и тоа: Б1, Б2, Ц, како и витамин Б12 кој е особено важен во исхраната на вегетаријанците.
Овој рецепт за смути со цвекло ќе ви го наполни телото со витамини и минерали и ќе ви даде енергија. Ви препорачуваме да го конзумирате на гладно, на тој начин ја зголемувате апсорпцијата на витамините.
Што ви е потребно?
- 1 цвекло со средна големина (ако имате и листови, искористете ги и нив)
- 1 морков со средна големина
- 1/2 јаболко
- сок од 1 лимон
- 200 ml вода
Како да го подготвите?
Ставете ги состојките во блендер и убаво измешајте.
За крај уживајте 🙂
Аеробик и пилатес инструктор, Сопственик на FitLife Fitness Studio, Магистeр по фармација и диететика.