Негувана, сјајна и еластична кожа е сон на секоја жена. Како што годините минуваат структурата на кожата се менува, така што за да изгледаме негувано и младо треба постојано да се грижиме за кожата. Отстранување на мртвите клетки и соодветна хидратација се основните чекори кои гарантираат свеж, сјајен и млад изглед.
Наш предлог за негувана, сјајна, еластична и кожа без целулит е пилинг за тело од ориз, талог од кафе, црн бибер, мед и бадемово масло.
Потребни состојки:
- талогот од ориз кој ви остана од подготовката на оризовото млеко (рецептот пронајдете го тука)
- 1 лажица талог од кафе
- 1 лажичка бадемово масло
- 1 лажичка мед
- 1 лажичка црн бибер.
Начин на подготовка:
Во стаклена тегличка убаво измешајте ги и соединете ги сите состојки. Чувајте го пилингот на ладно и темно место.
Овој пилинг е одличен затоа што ќе ви помогне во отстранувањето на мртвите клетки од кожата, а воедно благодарение на црниот бибер и кафето ќе ја забрза и циркулацијата со што ќе се намали и целулитот. Бадемовото млеко и медот се многу хранливи и ќе и дадат еластичност и свежина на вашата кожа.
Практикувајте го овој пилиг два пати неделно.
Со нежни движења масирајте ја кожата пред туширање, а потоа темелно исплакнете и после туширањето намажете ја кожата со вашиот омилен лосион за тело.
Рецептот и сликите за овој пилинг ни ги испрати Елена Ѓорѓиевска.
Аеробик и пилатес инструктор, Сопственик на FitLife Fitness Studio, Магистeр по фармација и диететика.