Овој напиток ќе ви ги неутрализира наталожените токсини во телото, ќе ви помогне доколку имате проблеми со спиењето, но ќе ви помогне и со проблемите поврзани со високиот крвен притисок.
Јаболковиот оцет содржи околу 90 различни хранливи состојки, вклучувајќи: калиум, магнезиум, железо, бакар, натриум, витамин А, Е и Б, органски киселини, пробиотици и пектини. Со толку богат хранлив состав, воопшто не е чудно што јаболковиот оцет има толку многу здравствени придобивки. Тој делува антивирусно, антибактериски, антигабично, но исто така помага и во елиминирање на штетните токсини од телото.
Што ви е потребно за овој детоксикациски напиток?
- 1 лимон
- малку свеж магдонос
- 1 лажица рендан ѓумбир
- 1 лажица јаболков оцет
- ½ лажичка цимет
- 500 ml вода
Начин на подготовка:
Исцедете го лимонот и во него додадете го магдоносот исцецкан на многу ситно (можете да го ставите и во блендер), потоа додадете го ѓумбирот, јаболковиот оцет, циметот и на крај водата. Убаво размешајте и оставете да стои 2 часа. Потоа процедете и пијте по 100-150 ml пред спиење. Освен пред спиење, од овој напиток можете да пиете и на гладно и тоа пред ручек или вечера.
Оваа комбинација од намирници е одлична за дијабетичари бидејќи циметот во комбинација со оцет има многу голема моќ во намалување на нивото на шеќер во крвта.
Повеќе за лековите својства на циметот прочитајте тука.
Аеробик и пилатес инструктор, Сопственик на FitLife Fitness Studio, Магистeр по фармација и диететика.