Да се надоврземе на кето исхраната како ефикасен начин на слабеење ви пренесуваме интересен рецепт за подготовка на солени мафини кои воопшто не содржат јаглехидрати. Доколку се одлучивте за кето слабеење овие мафини можат да ви бидат одлична замена за појадок или ужинка во текот на денот.
Состојките се довони за да се добијат 11 мафини со средна големина. Содржината на сите состојки е изразена во грамови. Бидете прецизни и мерете ги количините на дигитална вага за на крај тоа што ќе го добиете да знаете колку калории, колку протеини и колку масти содржи. Не користете приближни количини.
Потребни сосотојки:
- 70 g оризов протеин (може да го најдете во секоја подобро снабдена продавница за здрава храна или да го замените со козја сурутка)
- 20 g мелено ленено семе
- 15 g цели зрна ленено семе
- 10 g мелено црно семе
- 20 g афион
- 10 g семки од тиква
- 1 јајце
- околу 300 ml вода
- прстофат сол
- зачини по желба (бибер, оригано, босилек)
Начин на подготовка:
Прецизно измерете ги состојките и сите измешајте ги заедно. Водата додавајте ја полека, можеби нема да има потреба да ги ставите сите 300 ml. Смесата не треба да биде многу течна, нити пак многу густа. Кога ќе добиете хомогена смеса формирајте ги мафините и ставете ги во калапчињата. Секое калапче можете да го премачкате со малку маслиново масло за да не ви се залепат мафините. Печете околу 20 минути на температура од 180 º С.
Во табелата подолу погледнете го деталниот нутритивен преглед. Еден мафин има само 66,5 kcal, 7 g протеини, 3 g масти и 0 јаглехидрати. Иако вкупната смеса содржи 1,99 g јаглехидрати, сепак оваа количина поделена на 11 е многу мала, така што теоретски би можеле да сметаме дека во секој мафин имаме 0 јаглехидрати.
|
Нутритивни вредности (солени протеински мафини) |
|||||
| Количина | Калории | Протеини | Масти | Јаглехидрати | |
| Оризов протеин | 70 g | 269 kcal | 56.00 g | 0 g | 0 g |
| Мелено ленено семе | 20 g | 106 kcal | 3,66 g | 8,44 g | 0 g |
| Цели зрна ленено семе | 15 g | 79,5 kcal | 2,70 g | 6,33 g | 0 g |
| Мелено црно семе | 10 g | 40 kcal | 2.00 g | 1,70 g | 0 g |
| Афион | 20 g | 105 kcal | 3,80 g | 5,60 g | 0 g |
| Семки од тиква | 10 g | 54 kcal | 2,50 g | 4,50 g | 1,39 g |
| Јајце | 55 g | 78 kcal | 6,00 g | 5,00 g | 0,60 g |
| Вкупно | 731,5 kcal | 76,66 g | 31,57 g | 1,99 g | |
| Во еден мафин (11 вкупно) | 66,5 kcal | 7.00 g | 3.00 g | 0 g | |
