Имаме одличен здрав рецепт за ручек или вечера со тема Halloween – Здрава чорба од тиква и морков. Одличен и интересен начин да ги натерате најмалите да јадат здрава храна.
Изненадете ги за ноќта на вештерките и подгответе ја оваа вкусна чорба, брзо и едноставно бидејќи се состои од многу малку состојки и се подготвува навистина едноставно и брзо.
Потребни состојки:
- 1 поголемо парче тиква
- 1 кромид
- 1 морков
- 1 лажица маслиново масло
- малку куркума, сол и бибер
- за украсување индиски ореви (по желба).
Начин на подготовка:
Најпрвин тиквата и морковот убаво сварете ги, потребно е целосно да омекнат. Кромидот ситно насечкајте го и кратко пропржете го на маслиново масло. Кога ќе се сварат тиквата и морковот ставете ги во блендер и направете од нив пире. Додадете го пирето во тавата со запржениот кромид, измешајте убаво и додадете ги зачините и солта. Доколку ви е многу густо, слободно можете да додадете малку вода.
Ако сакате навистина да ги изненадите вашите деца, послужете им ја чорбата во мала издлабена тиква како што направивме ние 🙂
Добар апетит!
Рецептот и сликата за овој рецепт се на Елена Ѓорѓиевска.
