Ова е одличен здрав десерт за цело семејство, и што е најинтересно можете да ги подготвите за некоја пригода за вашите деца (родендени или какви било прослави).
Доволно се тврди па лесно се ставаат на стапче, и што е најважно стојат. Ако ги правите за деца, можете дополнително да ги украсите со некои детски елементи.
Вкусот е совршен!
Јас ги направив така случајно од состојки што имав дома, но стварно излегоа супер, а еве што ставив во нив…
Состојки:
- 200 g мелени интегрални бисквити (може било какви)
- 100 g сува брусница
- 100 g суво грозје
- 100 g овесни снегулки
- 1 банана
- 100 g стопено темно чоколадо
- по потреба многу малку вода или може и цеден сок од портокал.
- за валкање: оставете малку од мелените бисквити или растопете 50 g темно чоколадо.
Подготовка:
Бисквитите ги ставив во блендер да станат брашно, па ги додадов овесните снегулки и сувото овошје. Чоколадото го стопив и бананата ја изблендирав. Сè заедно измешав и формирав топчиња. Од оваа смеса добив нешто повеќе од 25. Пола ги валкав во бисквитите, пола во стопено чоколадо.
Се изедоа за многу брзо, но претходно успеав да сликам. 😊
Ако ги направите ве очекувам со слика или таг! 😊
