Имам неколку рецепти за пудинг од просо, но овој е малку поразличен од претходните и затоа решив да го споделам, а можете да го погледнете и на мојот профил.
Кај нас ова беше појадок, иако можете да го искористите рецептот и за вкусен десерт за ужинка. 🙂
Состојките кои се излистани се доволни за три порции.
Состојки:
- 7-8 лажици просо
- 2 банани
- 2 лажици пченични никулци
- 30 g црно чоколадо
- 1 лажица путер од лешник од @bonita_organic_nut_butters
- 1 лажичка рогач (може и какао)
- сок од 1 портокал
- доколку сакате поблаго може да додадете и малку мед.
Начин на подготовка:
Просото пред да го варите покиснете го во вода минимум 2 часа, потоа фрлете ја таа вода, додадете нова и сварете го. Ако му остане вишок вода слободно процедете го преку цедалка. Ставете го во блендер и додадете ги сите состојки. Блендирајте дури смесата не се соедини и не се добие структура на пудинг.
Декорирајте по желба и уживајте во богатиот, чоколаден и кремаст вкус!
