Интегрални вафли со кокосово млеко и домашен џем

Споделете со пријателите

Неделата е совршена за квалитетно поминато време со семејството, но и одлично време поминато во кујна подготвувајќи вкусни здрави оброци.

Вафли, тостерки, палачинки или мафини се секогаш брз и совршен десерт кој може да се претвори и во вкусен неделен појадок.

Елена ми прати одлична слика и рецепт од нејзините вафли утрово, таа ги печела на грил тава, но можете и на тостер, во калапи за мафини или едноставо како подебели американски палачинки. Смесата е погуста од онаа за вообичаени палачинки.

Состојки:

  • 230 g интегрално брашно
  • 50 g путер
  • 2 јајца
  • 1 мala лажичка пециво
  • 200 ml вода или кокосово/бадемово млеко
  • 2 лажици какао.

Начин на подготовка:

Сите состојки измешајте ги заедно, потребно е да добиете густа хомогена смеса погуста од онаа за палачинки. Можете за побрзо да мешате и со миксер.

Доколку сакате можете да додадете и некој засладувач како мед, јаворов сируп, кокосов или кафеав шеќер.

На крај печете ги на тостер или во тава.

Можете да ги комбинирате со било каков домашен џем. Мене искрено најубави ми се со џем од сливи или малини. Декорирајте со свежо овошје кое совршено го дополнува прекрасниот вкус.

На здравје!

Драгана Младеновска

Аеробик и пилатес инструктор, Сопственик на FitLife Fitness Studio, Магистeр по фармација и диететика.

Leave a Reply

Your email address will not be published. Required fields are marked *