Совршен спој од спанаќ, интегрално брашно, киноа и јајца. Оваа пита е одличен и нутритивно вреден оброк кој изобилува буквално со сите хранливи нутритиенти. Одлична е и доколку немате идеи што да јадете на работното место, можете да си ја подготвите и да си земете со вас на работа.
Потребни состојки:
- околу 400 сварен и ситно сецкан спанаќ
- 3 лажици варена киноа (може да се замени со просо)
- 3 лажици ‘ржано брашно
- 3 лажици овесни снегулки
- 3 лажици маслиново масло
- 3 јајца
- 1 кесичка прашок за пециво
- 4-5 ситно сечкани шампињони (опционално, не мора)
- ситно сечкан праз
- сол и црн бибер
- одозгора за наросување малку сусам – по желба можете да додадете и сирење (јас бидејќи не го сакам, правев без)
Начин на подготовка:
Сите состојки ги мешате заедно. Кога ќе добиете хомогена смеса истурете ја смесата во поголем плех на хартија за печење, по желба наросете одозгора со сусам.
Печете во загреана рерна на 180°С околу 20-тина минути, ако сакате покрцкаво можете и подолго.
Можете да го комбинирате со чаша јогурт.
Добар апетит!
Аеробик и пилатес инструктор, Сопственик на FitLife Fitness Studio, Магистeр по фармација и диететика.
English