Вакви неодоливи и лесни рецепти се раѓаат само после добар тренинг кога си “жеден” за нутритиенти и енергија. Протеинската мешавина од @oriflamemk е “виновникот” за овој прекрасен оброк.
За подготовка ми требаа помалку од 5 минути и тоа во тие 5 минути спремав паралелно и оброк за Ана.
Состојки за тестото:
- 2 лажици протеинска мешавина од @oriflamemk
- 2 лажици мелени овесни снегулки
- 1 јајце
- 1 лажица маслиново масло.
Подготовка:
Сите состојки ги соединив во чинија и ја ставив целата содржина во убаво загреан тостер, буквално ми требаше само 1 минута за да се испече и од двете страни, но внимавајте тостерот мора да е убаво загреан и да има опција да се притисне, да не биде од тие тостери со вдлабнатина.
Друга опција е да ставите во нелепливо тавче и да ја испечете содржината како голема палачинка.
Кога тестото се испече го премачкав одозгора со павлака, наросив малку оригано и ставив малку рендан кашкавал, морков, краставица и неколку печурки. На крај наросив со мелени лешници и чиа семе.
Одозгора можете да ставите што сакате, ако сакате да биде помалку калорична може само доматен сос и зеленчуци.
Мене искрено после тренинг ми требаат калории, па сакав да биде покалорична.
Вака наредена пицата со фил не се пече се јаде нешто во стил на ладен сендвич 😊
На листата за брзи оброци после варените јајца кои ми се секогаш опција кога сум во брзање дефинитивно ќе биде и оваа тостер ладна пица.
Од нутритивен аспект овој оброк содржи околу:
- 491 калорија
- 30 g протеини
- 30 g јаглехидрати
- 25 g масти
- 7 g влакна
Епа дечки ве чекам со тагови, ова дефинитивно мора да го пробате 😊
